عظمیٰ نیوز سروس
نئی دہلی// ڈیزائن انوویشن سینٹر (ڈی آئی سی)سنٹرل یونیورسٹی کشمیر نے آئی آئی ٹی دہلی میں 3اور 4نومبر کو منعقدہ 5ویں آل انڈیا ڈی آئی سی میٹ میں شرکت کی۔دو روزہ ایونٹ میں ملک بھر سے ڈیزائن انوویشن سینٹرز (DICs)، Ekalpas اور Open Design Schools (ODS) کو اپنی اختراعات کو ظاہر کرنے اور حکومت ہند کی وزارت تعلیم کے تحت DIC اقدام کی پیشرفت پر تبادلہ خیال کرنے کے لیے اکٹھا کیا گیاتھا۔3نومبر 2025کو کوآرڈی نیٹروں کی میٹنگ ہوئی، جس میں پروفیسر شاہد رسول ڈائریکٹر DIC اور ڈاکٹر جاوید احمد وانی جوائنٹ ڈائریکٹر DICنے سنٹرل یونیورسٹی کشمیر کی نمائندگی کی۔ اجلاس میں ملک بھر میں DICsکے کام اور تعاون سے متعلق اہم پہلوئوں پر غور کیا گیا۔4 نومبر 2025کو DIC CUKashmir نے اپنی مختلف تجارتوں اور پروجیکٹوں کے تحت تیار کردہ اختراعی مصنوعات کی نمائش کے لیے ایک اسٹال قائم کیا۔ مہمان خصوصی، محترمہ منمیت کور، مشیر، وزارت تعلیم، حکومت ہند، اور جناب ایس کے سماترے، ڈائریکٹر، نیشنل انیشیٹو فار ڈیزائن انوویشن (NIDI)نے اسٹال کا دورہ کیا اور اس کی فعال شرکت اور اختراعی مصنوعات کی نمائش کے لیے مرکز کی کوششوں کی تعریف کی۔قومی میٹنگ میں ڈی آئی سی سنٹرل یونیورسٹی کشمیر کی شرکت نے دیگر ڈی آئی سی کے ساتھ نیٹ ورک بنانے اور یونیورسٹی میں اختراعی صلاحیتوں کو اجاگر کرنے کا موقع فراہم کیا۔
