جاوید اقبال
مینڈھر//سب ڈویژن مینڈھر کے ناڑ جنگلات کے بعد اب مچکہ جنگلات کو بھی آگ نے اپنی لپیٹ میں لے لیا ہے اور مچکہ کا ایک وسیع جنگلاتی علاقہ شدید آگ کی لپیٹ میں ہے جس کی وجہ سے سینکڑوں کی تعداد میں پیڑ پودے جل کر خاکستر ہو گئے ہیں۔ اگرچہ محکمہ جنگلات کے ملازمین اور سیول لوگ آگ پر قابو پانے کیلئے پوری کوشش کر رہے ہیں لیکن صورتحال قابو سے باہر ہے۔لوگوںنےمحکمہ جنگلات کے اعلیٰ آفیسران کو تنقید کا نشانہ بناتے ہوئے کہا کہ محکمہ کے ملازمین کی لاپروائی کی وجہ سے آگ لگتی ہے اور محکمہ کے آفیسران ٹس سے مس نہیں ہورہے ہیں۔ لوگوں کا کہنا ہے ۔لوگوں نے ضلع ترقیاتی کمیشنر پونچھ سے ایپل کی کہ محکمہ جنگلات کے آفیسران اور متعلقہ ملازمین کو ہدایت دی جائے کہ جنگل کا تحفظ کیا جائے اور جنگل کو آگ سے بچايا جائے ۔آخری اطلاع مِلنے تک آگ جاری تھی ۔
