سمت بھارگو
راجوری//مغل روڈ پر ہر قسم کی گاڑیوں کی آمدورفت جمعہ کو مسلسل دوسرے دن بھی معطل رہی کیونکہ ٹھنڈ کی وجہ سے سڑک پر شدید پھسلن پیدا ہوگئی۔ڈپٹی ایس پی سرنکوٹ اعجاز چوہدری نے کہا کہ جمعرات کی شام کو ضروری برف صاف کرنے کا کام مکمل کر لیا گیا تھا لیکن جمعہ کو موسم ابر آلود رہا اور ٹھنڈ جیسی صورتحال سڑک پر شدید پھسلن کا باعث بنتی ہے جس سے گاڑیوں کا اس پر چلنا ناممکن ہو جاتا ہے۔آفیسر موصوف نے کہاکہ ’’ہم نے جمعہ کو سڑک کو ہر قسم کی گاڑیوں کے لئے بند رکھا‘‘۔پولیس افسر کا مزید کہنا تھا کہ ہفتہ کو گاڑیوں کی نقل و حرکت کی اجازت دی جا سکتی ہے لیکن صرف اس صورت میں جب موسمی حالات بہتر ہوں ۔
مغل شاہراہ پر آمد ورفت | دوسرے روز بھی معطل
