مزید خبریں

  گنڈ کنگن میں جوان سال خاتون غرقاب

غلام نبی رینہ

 

کنگن//گاندربل میں ایک خاتون عارضی پل سے گرکرڈوب گئی۔ گاندربل کے ریل گنڈ کنگن کی رہنے والی 32سالہ کلثومہ بانو زوجہ نثار علی بلتی ساکن رایل گنڈ جس کی ماں سرینگر کے ہسپتال میں داخل ہے، کی عیادت کے لئے گئی تھی اور وہاں سے وہ جب واپس آ گئی تو ریل کے مقام پر نالہ سندھ پر بنے ایک عارضی پل سے اندھیرے کی وجہ سے گر کر لقمہ اجل بن گئی ۔اطلاع ملتے ہی ایس ایچ او پولیس سٹیشن گنڈ سلفی ارشد جائے حادثے پر روانہ ہوئے ۔ذرائع سے معلوم ہوا ھے کہ مذکورہ کی لاش رام واری گنڈ میں دریائے سندھ سے برآمد ہوئی۔ 

 

حکومت ڈیلی ویجروں کوبھکاریوں کی نظرسے دیکھتی ہے:یتو

سرینگر//اپنی پارٹی رہنماانجینئرنظیرایتو نے کہا ہے کہ روزانہ اجرت پرکام کرنے والوں کی اجرت میں75روپے کے اضافے کوڈیلی ویجروں کو بھکاریوں کی نظرسے دیکھنے سے تعبیرکیا۔ایتونے کہا کہ ڈیلی ویجر اپنی جانوں کو جوکھوں میں ڈال کر کام کررہے ہیںتاکہ دن رات سماج کی خدمت کرسکے اور انہیں روزانہ 300روپے کی اجرت دینا سراسر نا انصافی ہے۔انہوں نے لیفٹیننٹ گورنر سے اپیل کی کہ وہ اس حکم پرنظرثانی کریں اورروزانہ اجرت پرکام کرنے والوں کی ملازمت کو مستقل بنائیں۔

 

 

اذان ہو یا حجاب

 مذہبی معاملات میں مداخلت ناقابل قبول: میرواعظ ہمدانی

سرینگر//جمعیت ہمدانیہ کے سربراہ مولانا ریاض احمد ہمدانی نے کہا ہے کہ مسلمانوں کے مذہبی معاملات میں بے جا مداخلت کی جارہی ہے۔ اذان ہو یا حجاب، اس پر پابندی ناقابل قبول ہے۔ ان باتوں کااظہار مولانا نے مسجد شریف سید کمال الدین مدنیؒ اور تاریخی خانقاہِ معلی میں رمضان المبارک کے آخری عشرے کے سلسلے اور عرس مبارک حضرت شیخ دائود المعروف بتہ مالو صاحبؒ کے سلسلے میں وعظ کے دوران کیا۔ایک بیان کے مطابق انہوں نے کہاکہ ہماری نوجوان پود ہر سطح پر مایوس اور عدم تحفظ کی شکارہے۔ حق کی آواز بلند کرنے اور آزاد صحافت پر قدغن جاری ہے۔ جبکہ ریاستی عوام اس وقت شدید مالی بحران اور بجلی بحران سے دوچار ہیں۔ افسوس ہے کہ سحری اور افطار کے وقت بھی بجلی میسر نہیں رہتی ہے۔ ہمارے ساتھ سوتیلی ماں کا سلوک کیا جارہا ہے۔ انہوں نے کہاکہ مسلمان کو اللہ اور رسولؐ پر ایمان ہونا چاہئے۔ اللہ ہی ہم کو موجودہ تباہ کن حالات سے نجات دے سکتا ہے۔ اس لئے مسلم اتحاد نہایت ضروری ہے کیونکہ دشمنانِ دین آپس میں تفرقہ ڈالنے کے درپے ہیں۔ ۔  مولانا شوکت حسین کینگ نے زیارت بتہ مالو(بریہ کج حبہ کدل) اور مولانا خورشید احمد قانونگو نے ایک تقریب پر حضرت بتہ مالو صاحبؒ کی سیرت ، تعلیم اور عبادات پر روشنی ڈالی۔