مزید خبریں

 کشتواڑمیں منشیات فروش کی گرفتاری کا دعویٰ

عاصف بٹ 

کشتواڑ//کشتواڑ پولیس نے ایک اور منشیات فروش کو گرفتار کرکے اس کے قبضہ سے ممنوعہ سائیکو ٹراپک مادہ کی 9 سٹرپس 72 گولیاں برآمد کرنے کا دعویٰ کیا ہے۔ ہڈیال چوک کشتواڑ کے قریب ایک سرپرائز ناکہ لگایا  جس دوران پیدل و گاڑی والوں کی چیکنگ ہوئی اور  دوران چیکنگ مشکوک حرکت کی اطلاع پر ایک شخص کو روکا جو چیک پوائنٹ سے بھاگنے کی کوشش کر رہا تھا تاہم ناکہ پارٹی نے پیچھا کر کے اسے قابو کر لیا۔ اس کی چیکنگ کے دوران ممنوعہ سائیکو ٹراپک مادے کی 8 سٹرپس (72) ٹیبلٹ اس کے قبضے سے برآمد ہوئے اور اس  کوموقع پر ہی گرفتار کر لیا گیا۔ ملزم کی شناخت ارباز احمد ولد فرید احمد ساکنہ ہڑیال کشتواڑ کے طور پر کی گئی۔ اس سلسلے میں ایف آئی آرزیر نمبر 75/2022 این ڈی پی ایس ایکٹ کی متعلقہ دفعات کے تحت پی ایس کشتواڑ میں درج کی گئی ہے اور تفتیش شروع کی گئی ہے۔

 

 کشتواڑ قصبہ میں بجلی کٹوتی سے عوام سخت پریشان   

عاصف بٹ 

کشتواڑ//رمضان المبارک و شیوراتری کے مقدس دنوں کے دوران جہاں ضلع ترقیاتی کمشنر نے محکمہ بجلی کو بلاخل بجلی سپلائی فراہم کرنے کو کہا تھا لیکن متعلقہ محکمہ اپنی من مرضی کے مطابق کام کررہا ہے اور آئے روز غیر اعلانیہ بجلی کٹوتی کے سبب عوام سخت پریشان ہے ۔مقامی لوگوں نے بتایا کہ غیر اعلانیہ بجلی کٹوتی ایک معمول بن چکا ہے جو ماہ رمضان میں ان کی مشکلات میں اضافہ کر رہا ہے۔ رمضان کے مہینے میں سحری  افطاری و تراویح کے وقت بجلی کی کٹوتی کے نظام نے لوگوں کو مزید پریشان کردیا ہے جبکہ شام ہوتے ہی سڑکوں و گلی کوچوں میں اندھیرے کے سبب کتے انسانی جانوں کیلئے باعث خطرہ بن جاتے ہیںاور گھر سے نکلنا مشکل ہوجاتا ہے۔لوگوں نے بتایا کہ قصبے و ملحقہ علاقہ جات میں رات بھر بجلی غایب رہتی ہے جسکے سبب سحری اندھیرے میں ہی گزارناپڑتی ہے۔انہوںنے کہا کہ ضلع کشتواڑ کے اندر بجلی پیدا ہوکر دوسرے شہروں کو روشن کرتا ہے لیکن انہیںاندھیرے میں شب و روز گزارنا پڑتے ہیں۔بجلی کی کٹوتی پر عوام میں شدید ناراضگی پائی جاتی ہے اورعوام کا کہنا ہے کہ اگر ضلع انتظامیہ اس معاملے پر کوئی کاروائی کرنے میں ناکام رہی تو عوام سڑکوں پر آکر احتجاج کرینگے۔