کشتواڑ//سب ڈویژن مڑواہ کی 40000ہزار سے زائد آبادی کو جموں کشمیر کے مختلف علاقہ جات سے جوڑنے والی واحد مرگن شاہراہ پر برف ہٹانے کا عمل تیزی سے جاری ہے جس دوران متی گاورن سے مرگن ٹاپ تک برف ہٹانے کا عمل مکمل کرلیاگیا ہے اور اب محکمہ پی ایم جی ایس وائی مڑواہ نے مرگن سے انشن سڑک پر برف ہٹانے کا عمل شروع کیا ہے۔ یہ سڑک دو ڈویژنوں کے تحت ہے ۔جہاں اننت ناگ ڈویژن نے دوروزقبل مرگن پاس تک برف ہٹانے کا عمل مکمل کرلیا تھا وہیں کشتواڑ ڈویژن کے تحت آنے والے حصہ پر محکمہ نے برف ہٹانے کاعمل شروع کردیا ہے۔یہ سڑک گزشتہ ماہ دسمبر میں برفباری کے سبب آمدورفت کیلئے بند ہوئی تھی جسکے بعد سے علاقہ کی عوام کا سڑک رابطہ منقطع ہوکررہ گیا ہے۔ علاقہ کی عوام نے اس سڑک کو ماہ رمضان سے قبل آمدورفت کے قابل بنانے کی اپیل کی ہے۔ مقامی لوگوں نے بتایا کہ علاقہ میں راشن وادویات و دیگر ضروری اشیاء کی کمی ہے جبکہ گزشتہ چار ماہ سے مرگن سڑک بند پڑی ہے جسکے سبب علاقہ میں ضروری اشیا و دیگر سازو سامان اب ختم ہوچکا ہے۔انہوںنے کہا کہ ماہ رمضان کا مقدس مہینہ شروع ہونے جارہے،انتظامیہ کو اس کیلئے ضروری اقدامات کرنے چاہئیںاورضروری اشیا ء کی چیزوں کو علاقہ میں پہنچانا چاہئے لیکن انتظامیہ خواب غفلت میںہے اور لوگوں کو مشکلات سے دوچار ہونا پڑرہا ہے۔ مقامی لوگوں نے مانگ کی کہ مرگن سڑک کو جلد آمدورفت کے قابل بنایا جائے تاکہ عوام کو ضروری اشیا ئے خوردنی
میسر ہوسکے اور انھیں مشکلات سے دوچار نہ ہونا پڑے۔
