عظمیٰ نیوز سروس
اننت ناگ//پیپلز ڈیموکریٹک پارٹی صدر محبوبہ مفتی کی ایک اسکارٹ گاڑی ہفتہ کو اننت ناگ ضلع کے وورن ہال بجبہاڑہ علاقے کے قریب حادثے کا شکار ہوئی جس کے باعث آئی ٹی بی پی کا ایک اہلکار زخمی ہو گیا۔پولیس کے مطابق محبوبہ مفتی اننت ناگ قصبے سے بجبہاڑہ جا رہی تھیں جب وورن ہال علاقے کے قریب ایک اسکارٹ گاڑی کو حادثہ پیش آیا۔انہوں نے کہا کہ اس واقعہ میں آئی ٹی بی پی کا ایک اہلکار زخمی ہوا، جسے ایس ڈی ایچ بجبہاڑہ منتقل کیا گیا، جہاں سے اسے جی ایم سی اننت ناگ ریفر کیا گیا۔عہدیدار نے بتایا کہ محبوبہ مفتی محفوظ ر ہیں اور اپنی منزل کی طرف روانہ ہوگئی ۔
