عظمیٰ مانیٹرنگ ڈیسک
واشنگٹن// انجری کی وجہ سے دو ماہ سے زائد عرصے سے باہر رہنے کے بعد لیونل میسی اس ہفتے کے آخر میں انٹر میامی کے لیے ایکشن میں واپسی کے لیے تیار ہیں۔37 سالہ ارجنٹائن کے کپتان میسی نے جولائی میں کوپا امریکہ فائنل میں کولمبیا کے خلاف البیسیلیسٹے کی 0-1 سے جیت کے دوران ٹخنے کی انجری کے بعد سے نہیں کھیلا ہے۔حالانکہ وہ مکمل تربیت پر واپس آچکے ہیں اور ہفتہ کو فلاڈیلفیا کے خلاف انٹر میامی کے ہوم میچ میں کھیلنے کے لیے تیار ہیں۔انٹر میامی کے مینیجر جیرارڈو مارٹینو نے جمعہ کو صحافیوں کو بتایا، ہاں! وہ ٹھیک ہیں۔ انہوں نے جمعرات کو ٹریننگ کی اور وہ میچ کے لیے ہمارے منصوبوں میں ہیں۔ آج ٹریننگ کے بعد ہم اس کے لیے حکمت عملی کے بارے میں سوچیں گے، لیکن وہ دستیاب ہیں۔میسی نے اس سیزن میں 12 میجر لیگ سوکر میچوں میں 12 گول اور 13 اسسٹ کیے ہیں۔
