قیوم وانی پی ڈی پی میں شامل

 

 

جموں// پی ڈی پی صدر محبوبہ مفتی نے جموں وکشمیر کو بیرون دنیا کے ساتھ ملانے والے تمام تاریخی راستوں کو کھولنے کی وکالت کرتے ہوئے کہا کہ ہندوستان اور پاکستان کو آپس میں بات چیت کرنی چاہیے۔ انہوںنے کہا کہ ہندوستان اور پاکستان کب تک ایک دوسرے کی پگڑی اچھالتے رہیں گے۔ محبوبہ مفتی ہفتہ کے روز یہاں ایک تقریب کے حاشیے پر نامہ نگاروں سے بات چیت کررہی تھی۔ انہوں نے کہا ’جب مظفرآباد کھلا، راولاکوٹ کھلا ،تو باقی راستے کیوں نہیں کھل سکتے۔ جب واجپائی لاہور گئے تو کیا تب حالات خراب نہیں تھے،جب واجپائی کے وقت میں حریت کے ساتھ بات چیت ہوئی تو کیا تب حالات خراب نہیں تھے۔انہوں نے کہا کہ دو ہمسایہ کب تک ایک دوسرے کی پگڑی اچھالتے رہیں گے، کب تک خون خرابہ ہوتا رہے گا۔انکا کہنا تھا کہ اگر دراندازی ہوتی ہے تو اس پر بات ہونی چاہیے کہ دراندازی کیوں ہوتی ہے‘۔