ایجنسیز
برازیل//سعودی عرب سے ڈائمنڈ جیولری سمیت قیمتی تحائف چھپانے اور منی لانڈرنگ کے مقدمے میں برازیل کے سابق صدر بولسونارو پر فرد جرم عائد کردی گئی۔ برازیل کی وفاقی پولیس نے سابق صدر پر فرد جرم عائد کی۔برازیل کی سپریم کورٹ کو پولیس سے فرد جرم کی رپورٹ ملنے پر پراسیکیوٹر جنرل فیصلہ کریں گے کہ بولسونارو پر مقدمہ چلے گا یا نہیں۔گزشتہ سال وفاقی پولیس نے بولسونارو پر مبینہ طور پر 3 ملین ڈالر مالیت کے ہیروں کے زیورات چھپانے اور دو لگژری گھڑیاں فروخت کرنے کا الزام لگایا تھا۔یہ دوسرا موقع ہے جب پولیس نیبولسونارو پر باضابطہ طور پرالزام عائد کیا،سابق صدر پر COVID-19 ویکسین کے ریکارڈ میں جعل سازی کرنے کا الزام بھی عائد کیا گیا تھا۔برازیل کی عدالت نے سابق صدر جیر بولسونارو کو صدارتی الیکشن لڑنے سے روک دیا۔رپورٹ کے مطابق کچھ زیورات برازیل کے کسٹم حکام نے اکتوبر 2021 میں سا پالو کے بین الاقوامی ہوائی اڈے پر قبضے میں لیے تھے جب یہ ریاض سے واپس آنے والے ایک سرکاری معاون کے بیگ سے برآمد ہوئے تھے۔گزشتہ سال عدالت کے حکم پر ہونے والی تحقیقات میں کچھ فوجی افسران کے گھروں کی تلاشی بھی لی گئی تھی،جنہوں نے مبینہ طور پر بولسونارو کو امریکا میں کچھ زیورات بیچنے میں مدد کی تھی۔
