سرینگر//مسلم لیگ نے تہاڑ سے لے کر بارہمولہ تک جیلوں میں بند قیدیوں کی حالت پرتشویش کا اظہار کرتے ہوئے کہا ہے کہ ہر گذرتے دن کے ساتھ ان قیدیوں کے مصائب اور مشکلات میں اضافہ کیا جارہا ہے۔لیگ ترجمان سجاد ایوبی نے ایک بیان میں کہا ہے کہ قیدیوں کو ذہنی پریشانی میں مبتلا کرنے اور صبرو سکون چھیننے کے نت نئے سامان کئے جارہے ہیں ۔بیان کے مطابق انتظامیہ قیدیوں کے شب وروز کی ضروریات سے تغافل برتنے کے علاوہ جسمانی عارضوں میں مبتلا اسیروں کے صحیح علاج ومعالجہ کی طرف دھیان نہ دے کر ان کی زندگیوں سے کھلواڑ کر رہی ہے۔ترجمان نے محبوس قائد مسرت عالم بٹ، ڈاکٹرمحمد قاسم فکتو، ڈاکٹر شفیع شریعتی، غلام قادر بٹ، محمد یوسف میر، عبدالاحدپرہ ،محمد رفیق گنائی،اسداللہ پرے،حکیم شوکت، معراج الدین نندا، مولوی سجاد،تنویر احمد وار، عبدالرشید بٹ، سجاد احمد ناو، فیاض احمد طلاق، بشارت احمد میر،عاشق حسین بٹ، حاجی غلام احمد پرے، ثناء اللہ ڈار، دانش احمد ڈار، شہزاد احمد ڈار، ہلال احمد پرے،محمد عارف پرے، پرویزاحمد پرے، ظہور احمد ڈار، نثار احمد ڈار، شبیر احمد ڈار، محمد یونس ڈار، محمد اقبال وانی، فیاض احمد کمار، دانش گوجری، عبدالحمید پرے، مشتاق احمد ہرہ، ریاض احمد میر، مشتاق احمد کھانڈے، جہانگیر رشید، محمد سلیم پرے، پرویزاحمد پرے، رمیز احمد پرے،سجاد احمد بیگ، شیخ محمد رمضان، کامران یوسف، ، خان سوپوری،راجہ کلوال،امیر حمزہ شاہ، حفیظ اللہ میر، محمد یوسف فلاحی، شکیل احمد بٹ، منظور احمد نجار،منظور احمد بٹ، عاطف احمد، رئیس احمد میر، سلمان یوسف،سجاد احمد بیگ، مدہ ثر رشید، منظور احمد پرے، عرفان احمد ڈار، عاقب احمد میر، عاشق حسین میر، ناصر عبداللہ، محمد اقبال وانی، بشیر احمد صالح، مفتی ندیم، بشیر احد صوفی،سرجان برکاتی، شکیل احمد ایتو اور دیگر قیدیوں کے عزم و استقلال کو قوم کے لئے قیمتی سرمایہ قرار دیتے ہوئے کہا کہ یہ اسیران جس طرح تمام دکھوں اور مصائب کا مقابلہ کر کے موقف پر چٹان کی طرح ڈٹے ہیں اس کا ثمر عنقریب اس قوم کوملے گا کیونکہ قوموں کی تاریخ قربانیوں سے عبارت ہوتی ہے۔سجاد ایوبی نے اقوام عالم اور انسانی حقوق کی عالمی تنظیموں سے اپیل کی ہے کہ وہ ان قیدیوں کی رہائی کے حوالے سے اپنا اثرو رسوخ استعمال کریں ۔
قیدیوں کی حالت ناگفتہ بہ:مسلم لیگ
