سرینگر// کشمیر یونیورسٹی کے ہیومن ریسورس ڈیولپمنٹ سینٹرنے پیر کو قومی تعلیمی پالیسی-2020 کے تناظر میں اچھے تعلیمی ،تحقیقی طریقوں اور تعلیمی تحقیقی سالمیت پر ایک آن لائن ورکشاپ کا انعقاد کیا۔تقریب کی مہمان مقرر ڈاکٹر سدھا گنشن سنٹرل یونیورسٹی آف تمل ناڈو کے شعبہ مینجمنٹ اسٹڈیز سے تھیں۔ انہوں نے 2020 NEPکی تحقیقی اور علمی جھلکیوں پر بات کی اور شرکاء کو تحقیق کرنے اور نہ کرنے کے بارے میں متعارف کرایا اور بتایا کہ وہ کس طرح عالمی اشاعتی اداروں جیسے ایلسیویئر، سیج، ایمرالڈ، وائلی، ٹیلر اور فرانسس وغیرہ سے اپنی پہچان حاصل کر سکتے ہیں۔ نامور اعلیٰ اثر والے جرائد میں علمی تحقیق کی تخلیق، اشاعت، نشر و اشاعت اور دریافت پر توجہ مرکوز کی گئی تھی۔آن لائن ورکشاپ میں ملک بھر کے مختلف HEIs کے 50 سے زائد شرکاء نے شرکت کی۔ انہوں نے مہمان مقرر کے ساتھ علمی اور تحقیقی اشاعت کے اپنے تجربات بھی بتائے۔ڈائریکٹر UGC-HRDC KU پروفیسر مشتاق احمد درزی نے مہمان مقرر اور شرکاء کا خیرمقدم کیا اور تحقیق کی دیانتداری کے بارے میں بات کی جو کہ HEIs کو تعلیمی اعزاز حاصل کر سکتی ہے۔ انہوں نے اس قسم کے ورکشاپ کے انعقاد میں مرکز کے کردار پر توجہ مرکوز کی جن کا مقصد تعلیمی اور تحقیقی اداروں کو ایکریڈی ٹیشن دینا ہے۔ڈاکٹر سمیر گل، کوآرڈی نیٹرنے سیشن کی نظامت کی اور مہمان مقرر اور شرکاء کا شکریہ ادا کیا۔
