پی آئی بی
بانہال//انڈین انسٹی ٹیوٹ آف انٹیگریٹیو میڈیسن اور نیشنل ہائی ویز اتھارٹی آف انڈیا کی ایک منفرد مشترکہ پہل میں، قومی شاہراہ کی خوبصورتی اور لیوینڈر ہب کے طور پر اس حصے کی پائیدار ترقی کے لیے پہلی بار اس سال کے شروع میں پروجیکٹ کا تصور کیا گیا اور اس پر کام آج یہاں بانہال-قاضی گنڈبانہال روڈ ٹنل کے جنوبی سرے کے قریب شروع کیا گیا ۔ڈاکٹر زبیر احمد، ڈائریکٹر انٹیگریٹیو میڈیسن اور اشوک کمار جین، ایڈوائزر(پلانٹیشن اینڈ کلیئرنس)، گرین ہائی ویز ڈویژن،نے مشترکہ طور پر نیویگ ٹنل کے قریب لیوینڈر پلانٹس لگا کر پروجیکٹ کا افتتاح کیا ۔ اس موقع پر ڈاکٹر زبیر احمد نے پروجیکٹ کی تفصیلات بتاتے ہوئے کہا کہ انٹیگریٹیو میڈیسن اپنی کوششوں سے لیوینڈر پلانٹیشن کے ذریعے خطے کے کسانوں کی معیشت کو فروغ دینے میں کامیاب ہوا ہے اور اس طرح یہ خطہ دنیا کے نقشے پر لایا گیا ہے۔
انہوں نے مزید کہا کہ انٹیگریٹیو میڈیسن اور نیشنل ہائی وے اتھارٹی کے مشترکہ طور پر اس پروجیکٹ سے، نہ صرف قومی شاہراہ کے بانہال-رام بن حصے کو لیوینڈر ہب کے طور پر تیار کیا جائے گا بلکہ آمدنی پیدا کرنے کے لیے ایک پائیدار ماڈل قائم کیا جائے گا۔ ڈاکٹر احمد نے اس بات پر بھی زور دیا کہ اس سے شاہراہ پر شجرکاری اور قومی شاہراہ کی خوبصورتی کی کوششوں میں اضافہ ہوگا، اور ماحولیاتی سیاحت کو فروغ ملے گا۔اشوک کمار جین نے اس موقع پر کہا کہ اتھارٹی ہمیشہ سے شاہراہوں کی پائیدار ترقی اور مقامی پودوں کی سیدھ میں شجرکاری میں پیش پیش رہا ہے۔ انہوں نے مزید کہا کہ یہ پروجیکٹ ایک ماڈل بن سکتا ہے کہ اسی لائن پرمقامی لوگوں کی شمولیت سے بھی دیگر شاہراہوں کو بھی ترقی دی جائے۔قابل ذکر بات یہ ہے کہ اس پروجیکٹ کے لیے مفاہمت کی یادداشت پر انٹیگریٹیو میڈیسن اور ہائی وے اتھارٹی کے درمیان 18 مارچ 2024 کو سائنس اور ٹیکنالوجی کے مرکزی وزیر کی موجودگی میں دستخط کیے گئے تھے۔ یہ انٹیگریٹیو میڈیسن اور اتھارٹی کی 50:50 شراکت داری کے ساتھ 283.80 لاکھ روپے کی لاگت کا ایک مشترکہ پروجیکٹ ہے اور رام بن میں تقریباً 200 کنال کے زمین کی تزئین کے لیے اگلے پانچ سالوں تک مکمل کیا جائے گا۔ پروجیکٹ میں بانہال رام بن ہائی وے کو لیوینڈر ہب کے طور پر تیار کرنے کی تجویز ہے جو ایونیو پلانٹیشن کے طور پر بیوٹیفکیشن کے دوہرے مقصد پودے لگانے کے بعد کے کاموں کے لیے طویل مدتی پائیدار ماڈل بشمول مقامی آبادی کے درمیان ایگری انٹرپریونر شپ کو پورا کرے گا ۔
