عظمیٰ نیوز ڈیسک
نیویارک// فلوریڈا کے حکام نے تصدیق کی ہے کہ فلوریڈا میں سمندری طوفان سے مختلف حادثات میں 16افراد ہلاک ہوگئے ہیں۔فلوریڈا کے حکام کے مطابق سینٹ لوسی کانٹی میں 6 افراد ہلاک ہوئے، وولوسیا کانٹی میں 3، سائٹرس کانٹی میں 1، پولک کانٹی میں 1، پنیلا کانٹی میں 2، ہلزبرو کانٹی میں 1، سرسوٹا کانٹی میں 1اور اورنج کانٹی میں 1شخص ہلاک ہوا ہے۔امریکی میڈیا رپورٹس کے مطابق فلوریڈا کے ساحلوں پر 5 سے 10 فٹ اونچی لہریں جبکہ سمندری طوفان کے زیر اثر علاقوں میں 160کلو میٹر فی گھنٹا کی رفتار سے ہوائیں چل رہی ہیں۔میڈیا رپورٹس کے مطابق سمندری طوفان کے زیر اثر علاقوں میں طوفان کے ساتھ ہوا کے بگولوں نے بھی تباہی مچا دی ہے۔تیز اور طوفانی ہواں سے کئی گاڑیوں اور گھروں کی چھتیں اڑ گئیں، گھر تباہ ہو گئے، سینکڑوں درخت گر گئے جبکہ 26لاکھ سے زائد صارفین بجلی سے محروم ہیں۔ 19 سو سے زائد پروازیں منسوخ ہوگئی ہیں۔میڈیا رپورٹس کے مطابق فلوریڈا میں طوفان ملٹن کے بعد نقصانات کا اندازہ لگایا جارہا ہے جبکہ سیلاب کا خطرہ بدستور موجود ہے۔
