غزہ میں جنگ سے

یواین آئی

غزہ//گزشتہ کئی ہفتوں سے اسرائیلی فوج کے شدید حملوں کی زد میں رہنے والی غزہ کی پٹی میں شہید ہونے والے فلسطینیوں کی تعداد 14 ہزار 532 ہو گئی ہے، جن میں 6 ہزار سے زائد بچے اور 4 ہزار خواتین شامل ہیں۔غزہ میں میڈیا آفس کی جانب سے جاری بیان میں اس بات پر زور دیا گیا کہ 47 دنوں میں اسرائیل کے حملوں میں 205 ہیلتھ کیئر ورکرز، 25 سول ڈیفنس افسران اور 64 صحافی ہلاک ہوئے ہیں۔بتایا گیا ہے کہ زخمیوں کی تعداد 35 ہزار سے تجاوز کر گئی ہے اور ان میں 75 فیصد سے زیادہ خواتین اور بچے ہیں۔واضح رہے کہ اسرائیلی حملوں کے دوران 102 سرکاری عمارتیں تباہ ہوئیں، 266 اسکولوں کو نقصان پہنچا اور ان میں سے 67 عمارتوں کو نقصان پہنچا ہے۔بیان میں کہا گیا کہ اسرائیل نے اپنے حملوں سے 85 مساجد کو مکمل طور پر تباہ اور 174 مساجد اور 3 گرجا گھروں کو نقصان پہنچایا ہے۔