الفاظ کوہِ برف سے لاتے ہیں سرد لوگ
پھر دھوپ کی بساط پہ لکھتے ہیں گرد لوگ
بجھتے چراغِ غارِ شبِ غم سے پوچھ لیں
رہتے ہیں کیسے سبز مکانوں میں زرد لوگ
ہم بھی بڑے سکون سے کہتے ہیں تخلیہ
ہم سے جو اذن مانگ لیں آوارہ گرد لوگ
کھلتی ہے بے حجاب ہمیں پر یہ کائنات
ٹھہرے جو آب گینِ نظر باز مرد لوگ
کاٹے گئے تمام سماعت کے راستے
آنکھوں میں لے کے پھرتے ہیں اب اپنا درد لوگ
منزل کی سمت کارواں سا تھا رواں دواں
ایسے بکھر گئے کہ ہوئے فرد فرد لوگ
ایسا چمن کہ رقص خزاؤں کا شاخ شاخ
شیدؔا غبارِ جشن فضا زرد زرد لوگ
علی شیداؔ
نجدون نیپورہ اسلام ا?باد،اننت ناگ
موبائل نمبر؛9419045087
لڑتا رہا جو زیست میں اپنے ہی بخت سے
لٹکی ہوئی ہے لاش اسی کی درخت سے
مانا کہ قیمتی ہیں یہ شیشم کی لکڑیاں
سایہ ملےگاتم کو نہ اس کے درخت سے
دیکھا ہے میں نے ایسا بھی انصاف وقت کا
اٹھنا پڑا ہے شاہوں کواپنے ہی تخت سے
میں نے بھی اس کے ہوش ٹھکانے لگا دئے
مجھ کو جو آنکنے لگا وہ ایک لخت سے
تہذیب نو نے سر سے دوپٹے اُڑا د ئے
آندھی میں جیسے جھڑتے ہیں پتے درخت سے
بیٹی بیاہنے کی خوشی تھی مجھے مگر
راقمؔ کا خالی ہوگیا گھر سارا رخت سے
عمران راقم
موبائل نمبر؛9062102672
خُود پرستی میں صنم اکثر خُدا ہونا ترا
تیرے لہجے سے ہے بہتر یوں جُدا ہونا ترا
ہے جتائی یہ محبت تم نے احساں کی طرح
مجھ کو ہے منظور اب جاناں خفا ہونا ترا
بھُول جانے کی قسم نےبھُول جانے نا دیا
قرض کی مانند میرے دل سے ادا ہونا ترا
اتفاقاً ہی سہی لیکن یہ اب مُمکن نہیں
پھر خِزاں کے موسموں میں سامنا ہونا ترا
بے قراری بے کلی بے وقت دیتا ہے مجھے
بے وجہ بے ساختہ یوں بے وفا ہونا ترا
ہو مُبارک خواب تیرے تجھ کو اے دُشمن مرے
رہ گیا ہے خواب بن کر آشنا ہونا ترا
ہے سنا میں نے بڑا ہے مُطمئِن تُو آجکل
بے سبب اور بے وجہ ہے اب گلہ ہونا ترا
ہِجر کی وہ آنچ مجُھکو یاد ہے اب تک خلِشؔ
رات بھر لبِ بام پر ہائے جِلا ہونا ترا
خلِشؔ
لارم اسلام آباد ،کشمیر،[email protected]
نہ میری دسترس میں خواب تھے
وہ جو دیکھے میں نے سراب تھے
کہاں عیش تھا تیرا ساتھ بھی
تیرے ساتھ لمحے عذاب تھے
کئے وِرد میں نے جو رات بھر
تیرے نام ہی کے خطاب تھے
ہوا وصل کوئی نہ بات کی
یونہی ملنے کو ہم بیتاب تھے
جو چھلک پڑے میری آنکھ سے
میرے دل جگر کے خونناب تھے
یونہی میری قیمت نہیں گھٹی
ہر وقت جو دستیاب تھے
کیسے معاف ہوتی میری سزا
میرے جرم تو بے حساب تھے
عابد ملے جو ستم مجھے
میری چاہتوں کے جواب تھے
عابد حسین راتھر
موبائل نمبر؛ 7006569430
