اپنی نظروں میں بے نقاب ہوئے
ہم اسی واسطے خراب ہوئے
کیا اندھیرا ہی رات ہوتا ہے
نیند آئی نہ کوئی خواب ہوئے
ہم انہیں یوں سجائے رہتے ہیں
زخم جیسے کھلے گلاب ہوئے
زندگی کیسے جرم کی ہے سزا
کن سوالوں کا ہم جواب ہوئے
مہربانی بھی کچھ رہی اس کی
ظلم بھی ہم پہ بے حساب ہوئے
آج کل رات بھی ہے دن جیسی
اب ستارے بھی آفتاب ہوئے
ہر کسی سے تعلقات ترے
ہر کسی کے لیے عذاب ہوئے
ایک دن لا پتہ ہوا بلراجؔ
ایک دن لوگ کامیاب ہوئے
بلراجؔ بخشی
۱۳/۳، عید گاہ روڈ ، آدرش کالونی، اُدہم پور- ۱۸۲۱۰۱(جموں کشمیر) Mob: 09419339303
email: [email protected]
جب کسی مْفلس کو کھنڈر میں خزانہ مل گیا
اقرباء سے دُور ہونے کا بہانہ مل گیا
پوری بستی میں فقط کچا تھا میرا ہی مکاں
جس کی چھت میں اک پرندے کو ٹھکانہ مل گیا
میرے بچوں نے کباڑی کو جو دینا چاہی تھی
مجھ کو اْس ردی میں تیرا خط پْرانا مل گیا
کھیلتے مٹی سے پوتا دیکھ کر دادا کو بھی
ایک ہی لمحے میں بچپن کا زمانہ مل گیا
عزم سے نکلا جو اپنے گھونسلے کو چھوڑ کر
بس اْسی پنچھی کو اس دھرتی پہ دانہ مل گیا
تشنگی سے مار ہی دیتا مجھے ظالم سراب
شْکر ہے صحرا میں اک کوّا سیانا مل گیا
آنکھ والے ڈھونڈھ پائے تھے نہ جس کو عمر بھر
زندگی کا کور چشموں کو نشانہ مل گیا
لفظ کا احسان کیا لیتی زباں اچھا ہوا
اک لبِ خاموش میں سارا فسانہ مل گیا
لذتِ رزقِ خْدا اْس پر ہوئی تب آشکار
ایک بھوکے شخص کو جس وقت کھانا مل گیا
پرویز مانوسؔ
نٹی پورہ سرینگر ،9419463487
جب سے مرے رقیب کا رستہ بدل گیا
تب سے مرے نصیب کا نقشہ بدل گیا
شریں تھا کتنا اس کا وہ اندازِ گفتگو
دو چار سکے آئے تو لہجہ بدل گیا
کس کی زباں کھلے، ہو کس سے خبر مجھے
کیوں کر مرے حریف کا چہرہ بدل گیا
شرم و حیا بھی اپنی یہ نیلام کر گیا
انسان اس زمانے کا کتنا بدل گیا
اْن کے بدلنے کا کوئی دکھ ہی نہیں مجھے
افسوس میرا اپنا ہی سایہ بدل گیا
جب سے بڑوں کی گھر سے حکومت چلی گئی
جنت نما مکان کا نقشہ بدل گیا
راہوں کی خاک چھانی بہت اس مقام تک
"رہبر بدل گیا کبھی رستہ بدل گیا"
کہتا ہے اس کے جانے سے کچھ بھی نہیں ہوا
مہتابؔ تیرے دل کی جو دنیا بدل گیا
بشیر مہتابؔ
رابطہ؛رام بن ،9596955023
کسی بچپن کے خواب کا سا ہے
روپ تیرا گْلاب کا سا ہے
عْمر گزری ہے تیرے کوچے میں
بس نتیجہ سراب کا سا ہے
زندگی کی خموش راہوں میں
حالِ دل انقلاب کا سا ہے
میرا تیرا وجود محفل میں
بر زمیں آفتاب کا سا ہے
گر تْجھے جھوٹ سے کروں حاصل
وہ گناہ بھی ثواب کا سا ہے
ذکر تیرا بہار کی آمد
شور ہر سو خطاب کا سا ہے
جام کی اب کِسے ضرورت ہے
آج موسم شراب کا سا ہے
موجؔتیرے اْداس چہرے پر
کوئی قِصّہ کتاب کا سا ہے
پردیپ سنگھ موجؔ
ڈوڑہ، لیکچرر اردوگورنمنٹ ہائیر سکنڈری سکول گواڑی
موبائل نمبر؛9697910823
دل سوختہ تھا اپنا یہی حسب حال تھا
جیتے جی خوش کہاں تھے کہ جینا محال تھا
ـــــــــــکرنے گئے تھے ان سے تغافل کا ہم گلہ
لیکن انہیں بھی ہم سے عجب سا ملال تھا
ہر اک ادا تھی پیاری کہ جاں سے عزیزتھی
پر جو ستم کیا تھا وہ جاںپروبال تھا
تقدیر اپنی بدلی نہ ان پر اثر ہوا
ہم نے سناہے لوگو ں سے اچھا یہ سال تھا
وہ کیا سے کیا ہوئے ہیں مگر یاد آتے ہیں
وہ دن کہ جب انہیں بھی میرا خیال تھا
یہ سب شفق کا فیض ہے راشکؔ کہ مجھ میں یوں
پہلے کبھی نہ ایسا یہ مجھ میں کمال تھا
راشکؔ اعظمی
طالب علم شعبہ اردو کشمیر یونیورسٹی
فون نمبر ـ 796377969
جب کہیں ذکرِ یار ہوتا ہے
میرا دل بے قرار ہوتا ہے
تیری اُس برہمی پہ ہر لمحہ
خاکِ پا حال زار ہوتا ہے
ہم بھی مٹ جائینگے کسی پل میں
کون یاں پائیدار ہوتا ہے
آ دمی یوں اجل سے نالاں ہے
زندگی کا شکار ہوتا ہے
حسن کے ایک ہم نہیں مائل
حسن رشکِ بہار ہوتا ہے
مُجھ سے حق گوئی کا نہ وعدہ لے
یہ گُزر سوئے دار ہوتا ہیں
یہ جنوں جس قدر چھُپاتا ہوں
اُس قدر آشکار ہوتا ہے
ہم کبھی منتظر نہیں ہوتے
خود پہ کب اختیار ہوتا ہے
وہ نہ آئے ، نہ آسکے، پھر بھی
ہر گھڑی انتظار ہوتا ہے
دورِ ہجراں ہے کب تلک واجدؔ
اب بسر نا گوار ہوتا ہے
واجدؔ عباس
نوگام سوناواری،7006566516
