عظمیٰ نیوز سروس
پونچھ// عید الفطر کی نماز کے بعد مرکزی عیدگاہ حضرت ابو طالب علیہ السلام گلی سیداں موہری گورسائی، پونچھ میں حجت الاسلام و المسلمین مولانا سید ذوالفقار جعفری کی قیادت میں عترت سوسائٹی موہری گورسائی کی ایک اہم میٹنگ منعقد ہوئی جس میں موہری گورسائی کی اکثر عوام نے شرکت کی۔ میٹنگ میں تمام شرکاء نے مختلف امور پر تبادلہ خیال کے بعد بااتفاق رائے سوسائٹی کی نئی کابینہ تشکیل دی۔ اس موقع پر موجود تمام شرکاء نے متفقہ طور پر حجت الاسلام و المسلمین مولانا سید ذوالفقار جعفری کو سوسائٹی کاسرپرست اعلیٰ، سید منظور حسین شاہ کو صدر، سید سفیر حسین شاہ کو سینئر نائب صدر، سید ممتاز حسین شاہ و سید ناصر حسین شاہ کو نائب صدور، سید علی جواد کو جنرل سیکرٹری، سید یاور عباس جعفری کو ترجمان اعلیٰ، سید سجاد حیدر کو سکریٹری، سید محمد علی کو جوائنٹ سیکرٹری، سید زبیر حسین شاہ کو چیف سکریٹری مالیات، سید ساجد حسین شاہ کو سکریٹری مالیات، سید اعجاز مہدی کو پبلسٹی سکریٹری، جبکہ سید ظفر حسین شاہ صاحب کو بطور چیف آرگنائزر منتخب کیا گیا۔ میٹنگ میں ایک بارہ رکنی کمیٹی کی بھی تشکیل دی گئی جس کا مقصد سوسائٹی کے تمام امور پر کلی نظارت رکھنا ہے۔میٹنگ کے اختتام پر تمام شرکاء نے سابق صدر جناب پروفیسر سید وجاہت حسین جعفری کی خدمات کو سراہتے ہوئے ان کا دل کی گہرائیوں سے شکریہ ادا کیا اور امید ظاہر کی کہ وہ آئندہ بھی سوسائٹی کو اپنے نیک مشوروں سے مستفید فرماتے رہیں گے۔
