عام طور پر ابر آلود موسم کا امکان | ہلکی بارش متوقع

نیوز ڈیسک

سرینگر//محکمہ موسمیات نے اتوار کو جموں و کشمیر میں اگلے 24 گھنٹوں کے دوران عام طور پر ابر آلود آسمان اور ہلکی بارش کی پیش گوئی کی ہے۔محکمہ موسمیات نے کہا، “آئندہ 24 گھنٹوں کے دوران جموں و کشمیر میں ہلکی بارش کے ساتھ عام طور پر ابر آلود آسمان رہنے کا امکان ہے”۔سری نگر میں 18، پہلگام میں 12.4 اور گلمرگ میں 10 ڈگری سیلسیس کم از کم درجہ حرارت تھا۔لداخ کے دراس علاقے میں کم سے کم درجہ حرارت 8.6، لیہہ 10.6 اور کارگل میں 13.9 تھا۔جموں میں 24.9، کٹرہ میں 23.7، بٹوٹ میں 18.1، بانہال میں 16.8 اور بھدرواہ میں 17.9 درجہ حرارت کم سے کم رہا۔