عظمیٰ نیوز سروس
بارہمولہ// بارہمولہ کے ابھرتے ہوئے کرکٹ سٹارز نے ایک بار پھر کرکٹ کے میدان میں اپنی صلاحیتوں کا مظاہرہ کرتے ہوئے کولگام پر شاندار فتح کے ساتھ انڈر 17 صوبائی کرکٹ چیمپئن شپ کا خطاب حاصل کیا۔اننت ناگ میں منعقدہ سنسنی خیز میچ بارہمولہ کی 5 وکٹوں سے جیت کے ساتھ اختتام پذیر ہوا۔شاندار کارکردگی میں، بارہمولہ سے تعلق رکھنے والے فیضان ابراہیم نے ٹیم کی کامیابی میں غیر معمولی شراکت کیلئے “مین آف دی سیریز” اور “مین آف دی میچ” کے اعزازی خطابات حاصل کیے۔جتندر سنگھ ڈی وائی ایس ایس او بارہمولہ نے بارہمولہ کی پوری ٹیم کو ان کی شاندار جیت اور کرکٹ کے میدان میں نمایاں کامیابیوں کے لیے دلی مبارکباد پیش کی۔انہوں نے مزید کہا کہ یہ فتح نہ صرف بارہمولہ کی بھرپور کھیلوں کی تاریخ میں ایک اور تعریف کا اضافہ کرتی ہے بلکہ ہمارے نوجوان کرکٹ ستاروں کی بے پناہ صلاحیتوں اور لگن کو بھی اجاگر کرتی ہے۔
