شیر کشمیر زرعی یونیورسٹی کے اہتمام سے شانگس رکھہ براہ میں جانکاری کیمپ

اننت ناگ (اسلام آباد )//شیر کشمیر زرعی یونیورسٹی نے کرشی وگیان کیندر اننت ناگ کے اشتراک سے شانگس کے رکھہ براہ نامی گائوں میں ایک جانکاری کیمپ منعقد ہوا، جس میں دور دراز پہاڑی علاقوں میں رہائش پزیر گوجر طبقہ سے وابستہ سینکڑوں افراد نے شرکت کی ۔تقریب میں زرعی یونیورسٹی کے اسسٹنٹ ڈائریکٹر ڈاکٹر جی اے پرے نے بطور مہمان خصوصی کی حیثیت سے شرکت کی۔  اس موقعہ پرماہرین نے گوجرطبقہ پر زور دیا کہ وہ نئی ٹیکنالوجی اور ہائی بریڈ بیجوں کا استعمال کرکے زیادہ سے زیادہ پیدوار حاصل کرنے کی سعی کریں، تاکہ آنے والے وقت کا بہتر طور مقابلہ کیا جاسکے ۔اس موقعہ پر مختلف اسکیموں کے تحت جانکاری فراہم کرنے کے علاوہ کھیتی باڑی میں استعمال ہورہے اوزاروںا ور بیچ کو مفت تقسیم کیا گیا ۔اس موقعہ پر اسسٹنٹ ڈائریکٹر زرعی شعبہ ڈاکٹر جی اے پرے نے کہا کہ اس طرح کے کیمپوں کو منعقد کرنے کا  واحد مقصد دور دراز علاقوں میں رہائش پزیر گوجرطبقہ سے وابستہ افراد کو کھیتی باڑی کی جدید ٹیکنالوجی سے متعارف کرانا ہے  ۔انہوں نے کہا کہ دوردراز علاقوں میں رہائش پزیر لوگ محکمہ کی طرف سے منعقدکئے جانے والے ایسے پروگراموں میں شرکت کرکے زیادہ سے زیادہ استفادہ حاصل کریں۔