شہری ہلاکتوں پر پاکستان کا شدید ردعمل

 اسلام آباد// پاکستان نے کشمیر میں شہریوں کی ہلاکتوں پر شدید تشویش کا اظہار کیا ہے۔ترجمان دفتر خارجہ کی جانب سے جاری بیان میں کہا گیا ہے کہ بھارتی فورسز کشمیر میں انسانیت سوز مظالم ڈھا رہی ہیں جس کے نتیجے میں کولگام میں 8 کشمیری ہلاک جبکہ متعدد زخمی ہوگئے۔ترجمان دفتر خارجہ کا کہنا ہے کہ بھارتی فورسز نے پلوامہ میں حاملہ خاتون کو شہید کردیا اور پلوامہ میں خاتون کی شہادت کے 15 گھنٹے بعد صورتحال مزید کشیدہ ہوگئی، کرفیو نافذ ہے اور انٹرنیٹ سروس بھی معطل کردی گئی ہے۔