شوپیاں میں بینک گارڈ کی رائفل سے اچانک گولی چلی، بھگدڑ سے تین افراد زخمی

نیوز ڈیسک
سری نگر// جنوبی کشمیر کے ضلع شوپیاں میں بدھ کی صبح جموں و کشمیر بینک کے ایک گارڈ کی رائفل سے اچانک گولی نکلنے سے مچ جانے والی بھگدڑ کے نتیجے میں تین افراد زخمی ہوگئے۔

 

سرکاری ذرائع نے بتایا کہ شوپیاں میں جموں وکشمیر بینک کے مین برانچ کے ایک گارڈ کی رائفل سے اچانک گولی نکلی جس کے نتیجے میں وہاں بھگدڑ مچ گئی۔

 

انہوں نے کہا کہ خوش قسمتی کی بات یہ ہے کہ گولی کسی کو نہیں لگی تاہم بھگدڑ مچنے سے تین افراد زخمی ہوگئے۔

 

دریں اثنا ایک پولیس افسر نے واقعے کی تصدیق کرتے ہوئے ہوئے کہا کہ گولی کسی کو نہیں لگی تاہم بھگدڑ مچنے سے ایک یا دو فراد کو معمولی چوٹیں آئیں۔