شوپیاں تصادم: جنگجو فرار ہونے میں کامیاب|آپریشن اختتام پذیر

نیوز ڈیسک
 

شوپیاں// جنوبی کشمیر کے شوپیاں ضلع کے ہری پورہ امام صاحب علاقے میں گزشتہ شام فائرنگ کے مختصر تبادلے کے بعد جنگجو سیکورٹی فورسز کو چکمہ دے کر فرار ہونے میں کامیاب ہوگئے ہیں۔

 

نیوز ایجنسی – کشمیر نیوز آبزرور (کے این او) نے ایک اہلکار کے حوالے سے بتایا کہ پولیس، فوج اور سی آر پی ایف کی ایک مشترکہ ٹیم نے بدھ کی شام کو علاقے میں عسکریت پسندوں کی موجودگی کی مخصوص اطلاع پر ایک محاصرہ اور تلاشی آپریشن شروع کیا۔

 

انہوں نے کہا کہ جیسے ہی فورسز کی مشترکہ ٹیم مشتبہ مقام کی طرف پہنچی تو چھپے ہوئے جنگجوو¿ں نے ان پر گولیاں چلائیں جس کی جوابی کارروائی کی گئی۔

 

انہوں نے مزید کہا کہ ابتدائی فائرنگ کے تبادلے کے بعد عسکریت پسندوں کے ساتھ کوئی رابطہ قائم نہیں ہوا۔

 

انہوں نے مزید کہا کہ ابتدائی فائرنگ کے تبادلے کے بعد گھیرا تنگ کر دیا گیا تھا تاہم مشتبہ جگہ پر جنگجووں کی موجودگی کے شواہد نہیں مل پائے جس کے بعد آپریشن کو منسوخ کر دیا گیا ہے۔