سرینگر/جنوبی کشمیر کے شوپیان ضلع میں جمعرات کی صبح جنگجوئوں اور فورسز کے مابین معرکہ آرائی کا آغاز ہوا جس کے دوران تین عسکریت پسند مارے گئے۔فوج نے جنگجو ہلاکتوں کی تصدیق کی۔
یہ معرکہ شوپیان کیلر کے جنگل میں واقع یارون نامی علاقے میں پیش آیا۔
فوجی ترجمان نے معرکہ اور ہلاکتوں کی تصدیق کرتے ہوئے کہا کہ تین جنگجوئوں کو جاں بحق کردیا گیا ہے جبکہ آپریشن جاری ہے۔
پولیس ذرائع نے کہا کہ فوج نے یارون جنگل علاقے کو محاصرے میں لیکر تلاشیاں شروع کیں جس کے دوران فورسز اور جنگجوئوں کا آمنا سامنا ہوگیا اور طرفین نے ایک دوسرے پر گولیاں چلائیں۔
انہوں نے کہا کہ ابتدائی اطلاعات کے مطابق جنگجوئوں نے یہاں ایک کمین گاہ تیار کی تھی جس کے اندر وہ چھپے بیٹھے تھے۔
