ویب ڈیسک
ورک فروم ہوم Work From Home کا زمانہ اب پرانا ہو گیا ہے اب ورک فروم بیچ Work From Beach کا دور ہے کیوں کہ سائنس دانوں نے ایک ایسا لیپ ٹاپ تیار کر لیا ہے جو شمسی توانائی سے باآسانی چارج ہو جائے گا۔ایک چینی ٹیکنالوجی کمپنی نے Mobile World Congress 2025 میں ایک حیرت انگیز شمسی توانائی سے چلنے والا لیپ ٹاپ متعارف کروایا ہے۔
لیپ ٹاپ 20 منٹ میں سورج کی روشنی سے فوری چارج ہو جاتا ہے جو ایک گھنٹے کا ویڈیو پلے بیک دے سکتا ہے۔اس الٹرا سلم لیپ ٹاپ کی موٹائی 15mm اور وزن صرف 1.22 گلو گرام ہے جس کی پشت پر چھوٹے شمسی پینلز نصب ہیں۔یہ لیپ ٹاپ ناصرف بیٹری کے مسائل کا حل ہے بلکہ مستقبل میں مکمل موبائل ورک اسٹیٹ اپ کے خواب کو بھی حقیقت بنا سکتا ہے۔دریں اثنا اباب گھر کے سارے کام آسان ہونے والے ہیں، کیونکہ کاموں کے لیے جدید روبوٹ متعارف کروا دیا گیا ہے جو جلد مارکیٹ میں آ جائے گا۔چائے بنانے سے لے کر فرش کی صفائی تک، روزمرہ کے کام اکثر ایک تھکا دینے والے معمول کی طرح محسوس ہوتے ہیں، لیکن اب ایک روبوٹک مددگار رکھنے کا خواب جلد حقیقت بن سکتا ہے۔ناروے کی روبوٹکس کمپنی 1X نے حال ہی میں NEO Gamma نامی ایک جدید گھریلو روبوٹ متعارف کروایا ہے۔ایک پرومو ویڈیو میں یہ جدید ہمیونائیڈ روبوٹ چائے بناتا، فرش صاف کرتا، سامان اٹھاتا، کھڑکیاں چمکاتا اور دیوار پر تصویر لگاتا نظر آتا ہے۔کمپنی کا کہنا ہے کہ NEO Gamma اس دہائی کے آخر تک گھروں میں خودکار طریقے سے کام کر رہا ہو گا۔یوٹیوب صارفین اس پر مختلف آراء کا اظہار کر رہے ہیں، کچھ نے اسے خوفناک فلموں سے تشبیہ دی ہے، جبکہ ایک صارف نے تبصرہ کیا کہ یہ کسی ہارر فلم کا ٹیزر معلوم ہوتا ہے، تاہم کچھ لوگوں نے مثبت ردعمل دیا ہے، ایک صارف نے کہا ہے کہ مجھے پسند آیا کہ یہ کام مکمل کرنے کے بعد ایک اچھے بچے کی طرح بیٹھ جاتا ہے۔یہ ماڈل NEO Beta کا جدید ورژن ہے، جسے گزشتہ سال اگست میں متعارف کرایا گیا تھا، اس میں قدرتی انسانی چال، بازوؤں کی حرکت، چیزوں کو مؤثر طریقے سے پکڑنے کی صلاحیت اور شور میں کمی سمیت کئی بہتریاں کی گئی ہیں۔1X کمپنی NEO Gamma کو جلد از جلد گھروں میں متعارف کرانے کے لیے متعدد پروٹو ٹائپس کو منتخب گھروں میں بھیج کر جانچ کر رہی ہے۔
