ششتر گام ڈورو جھڑپ میں جاں بحق 2 جنگجو بارہمولہ میں سپرد خاک

 بارہمولہ// ششتر گام ڈورو شاہ آباد علاقے میں سنیچر کو جھڑپ میںمارے گئے دو غیرملکی جنگجوئوں کو بارہمولہ کے مضافاتی گائوں میں رات کی تاریکی کے دوران سپرد خاک کیا گیا ۔ معلوم ہوا ہے کہ مذکورجنگجو ئوںکی لاشوں کو سنیچر کی رات دیر گئے جنوبی کشمیرسے بارہمولہ منتقل کیا گیا  ،جس کے بعد اُنہیں رات کے ساڑھے دس بجے مقامی قبرستان پہنچایا گیا جس کے بعد شیری تھانہ سے وابستہ پولیس اہلکاروں اور کچھ مقامی لوگوں نے مذکورہ جنگجوئوں کو رات کے گیارہ بجے  سرینگر مظفرآباد شاہرہ پر بارہمولہ کے مضافاتی گائوں گانٹہ مولہ میں غیر ملکی جنگجوئوں کیلئے بنائے گئے قبرستان میںسپرد خاک کیا گیا ۔ جہاںپہلے سے ہی سو کے قریب غیر ملکی جنگجوئوں کو دفنایا جاچکا ہے۔