شب قدر کی تقریب خشو و خضوع کے ساتھ منائی گئی

سرینگر// ریاست میںشب قد ر کی تقریب سعید خشوع وخضو ع کیساتھ منائی گئی جبکہ تاریخی جامع مسجد سرینگر ،آثارشریف درگاہ حضرتبل،سید صاحب سونہ وار اورشہر وقصبہ جات کی مرکزی جامع مساجد اورخانقاہوں میں شب خوانی کے روح پرور اجتماعات منعقد ہوئے اورلاکھوں فرزندان ِ توحید نے شب قدرکی برکات پانے کیلئے پوری رات ذکراللہ اورعبادات میں محورہے۔ بارہمولہ ، کپوارہ ، بانڈی پورہ ، گاندربل، بڈگام ، کولگام ، پلوامہ ، شوپیان ، اننت ناگ ، کے ضلعی و تحاصیل صدر مقامات پر قائم مرکزی اور بڑی جامع مساجدمیں بھی شب قدر کے موقعہ رُوح پرور اورعظیم الشان اجتماعات کا انعقاد کیا گیا۔ ہزارراتوں سے بہتررات یعنی بابرکت شبِ قدرکی تقریب سعیدکے موقعہ پر رات بھر مساجد ،خانقاہوں ،زیارتگاہوں ، درگاہوں ، دینی درسگاہوں اور گھروں میں پر وقار شب خوانی کی مجالس کا اہتمام کیا گیا۔لاکھوں مسلمانان ریاست خشو ع و خضوع کے ساتھ نماز تراویح ادا کرنے کے بعد پوری رات قرآن خوانی ، درس قرآن و احادیث ، نوافل کی ادائیگی اور اللہ بارک و تعالیٰ کے حضور اپنے گناہوں اور خطائوں کی معافی و درگزر کیلئے خصوصی دعائوں میں گزاری جبکہ اس دوران علمائے دین،خطباء،واعظین اور دیگر مقررین فلسفہ شب قدر اور نزول قرآن پاک پر بھی تفصیلی روشنی ڈالی ۔جہاں فرزندان توحید کی اکثریت پوری با برکت رات مساجد اور دیگر عبادتگاہوں میں ذکر و یاد الٰہی میں گزاریں گے ،وہیں چھوٹے بچے ، بچیاں ، ملت کی بہنیں ، بیٹیاں اور مائیں گھر کی چار دیواری میں رات بھر ذکر الٰہی میں محو رہی ۔ شب قدر کی مناسبت سے وادی میں سب سے بڑے اور عظیم الشان اجتماعات تاریخی جامع مسجد سرینگراور درگاہ حضرت بل،جناب صاحب صورہ،سعید صاحب صورہ،آثار شریف شہری کلاشپورہ،شیخ حمزہ مخدوم،بقعیہ عالیہ غوثیہ سرائے بالا،دستگیر صاحب خانیار،نقشبند صاحب خواجہ بازار،ایشاں صاحب،خانقاہ معلی سرینگر اور دیگر چھوٹی بڑی جامع مساجد میں منعقد ہوئی جہاں نہ صرف شہر سرینگر بلکہ وادی کے طول و عرض سے لاکھوں مسلمان بشمول بنات حوا کی بیٹیاں آکر شب بیداری کرنے کے ساتھ ساتھ پوری رات درود و اذکار ، قرآن خوانی اور اللہ کے حضور سربسجود ہو کر گزاری ۔بارہمولہ ، کپوارہ ، بانڈی پورہ ، گاندربل، بڈگام ، کولگام ، پلوامہ ، شوپیان ،اسلام آباد( اننت ناگ) کے ضلعی و تحاصیل صدر مقامات پر قائم مرکزی اور بڑی جامع مساجد کے ساتھ ساتھ خانقاہوں ، دینی درسگاہوں اور زیارت گاہوں میں بھی شب خوانی کی روح پرور مجالس کا اہتمام کیا گیا تھا جس کے دوران بھاری مقدار میں فرزندان توحید نے شرکت کی۔شہر سرینگر میں تاریخی جامع مسجد ، درگاہ حضرت بل ، جناب صاحب صورہ ، آستان عالیہ شیخ عبدالقادر جیلانی واقع خانیار ، آستان عالیہ حضرت شیخ مخدوم صاحبؒ ،سید صاحب سونہ وار ، زیارت شریف پیر دستگیر صاحب واقع سرائے بالا کے علاوہ شہر سرینگر کے اطراف و اکناف میں قائم بڑی اور مرکزی جامع مساجد میں شب قدر کے حوالے سے ہونے والے اجتماعات کے سلسلے میں متعلقہ مساجد و خانقاہوں کی انتظامیہ کمیٹیوں نے اپنے طور پر خصوصی انتظامات کئے تھے جبکہ ضلعی انتظامیہ سرینگر نے تاریخی جامع مسجد سرینگر اور آثار شریف درگاہ حضرت بل میں شب خوانی کی مجالس میں شرکت کیلئے جانے والے فرزندان توحید کیلئے ٹرانسپورٹ کے خصوصی انتظامات کئے تھے اور اس مقصد کیلئے اسٹیٹ روڑ ٹرانسپورٹ کارپوریشن کی طرف سے ڈلگیٹ اور لالچوک سے خصوصی بس سروس چلائی جا رہی ہے اور اس کے ساتھ ساتھ انتظامیہ نے پرائیویٹ ٹرانسپورٹروں کو ہدایت دی ہے کہ وہ شب قدر کی مجالس میں شرکت کیلئے درگاہ حضرت بل ، جامع مسجد سرینگراور دیگر مساجد و خانقاہوں کی طرف جانے والے مسلمانوں کیلئے رات دیر گئے تک خصوصی طور پرٹرانسپورٹ سروس چلائیں تاکہ انہیں کسی بھی طرح کی مشکلات کا سامنا نہ کرنا پڑے ۔ جامع مسجد سرینگر میں میرواعط عمر فاروق نے فلسفہ شب قدر پر روشنی ڈالی