شاہد آفریدی کی شاہین آفریدی کے ساتھ افطاری

 لاہور/سابق کپتان شاہد خان آفریدی نے پاکستانی ٹیم کے فاسٹ بولر شاہین شاہ آفریدی کے ساتھ افطاری کی ہے۔ شاہد آفریدی نے شاہین آفریدی کو اپنے گھر افطار ڈنر پر مدعو کیا تھا۔ مائیکرو بلاگنگ ویب سائٹ ٹوئٹر پر اپنے پیغام میں شاہد آفریدی نے تحریر کیا کہ افطار کے اوقات میں خصوصی دعائیں کرنی چاہئیں کیونکہ یہ قبولیت کا وقت ہوتا ہے۔انہوں نے کہا کہ میں صاف دل سے پاکستان میں امن اور ملک و قوم کی خوشحالی کے لئے دعا کرتا ہوں۔شاہین آفریدی کا کہنا تھا کہ ملک کے لئے آپ کی نیک خواہشات و دعائیں اللہ تعالی قبول کرے۔شاہین آفریدی نے افطاری دینے پر شاہد آفریدی کا شکریہ بھی ادا کیا۔