سیکورٹی فورسز نے نوشہرہ قصبہ کا معائینہ کیا

رمیش کیسر
نوشہرہ //یوم جمہوریہ کی تقریبات کے پیش نظر فوج اور جموں و کشمیر پولیس نے بدھ کو نوشہرہ بازار کا اچانک معائنہ اور تلاشی مہم چلائی ۔اس مہم کے دوران سیکورٹی اہلکاروں نے دھماکہ خیز مواد کو کھوج نکالنے کیلئے جدید نوعیت کی مشینری کا استعمال بھی کیا ۔مقامی ذرائع کے مطابق نوشہرہ قصبہ میں چیکنگ کیساتھ ساتھ گاڑیوں کی بھی چیکنگ کی گئی تاکہ یوم جمہوریہ کی مناسبت سے کسی بھی ناپاک حرکت کو ناکام بنایا جاسکے ۔سیکورٹی اہلکاروں نے نوشہرہ کے مین بازا ر کیساتھ ساتھ نوشہرہ بس سٹینڈ وملحقہ علاقوں کا بھی معائینہ بھی کیا گیا ۔انہوں نے لوگوں کو ہدایت جاری کرتے ہوئے کہاکہ کوئی بھی مشکوک چیز ملنے پر پولیس کو اطلاع فراہم کی جائے ۔