عظمیٰ نیوز سروس
سرینگر //توس میدان میںکرکٹ ٹورنامنٹ کی افتتاحی تقریب منعقدہوئی۔ سکھ ناگ اسپورٹس ایسوسی ایشن سیل کی جانب سے یوتھ سروس اور اسپورٹس بڈگام کے اشتراک سے 64 ٹیموں نے ٹورنامنٹ میں حصہ لیا۔ فائنل میچ دریگام وریئرز اور رائزنگ اسٹارز سونپاہ کے درمیان کھیلا گیا۔ فائنل میچ دریگام واریئرز نے جیتا ،جنہوں نے ونر ٹرافی اور 60 ہزار نقد انعام حاصل کیا جبکہ رنرز اپ ٹرافی رائزنگ اسٹارز سونپاہ کو 30 ہزار کے نقد انعام کے ساتھ ملی۔اس موقع پر خطاب کرتے ہوئے خواجہ فاروق رینزوشاہ نے سیل کے اتنے بڑے سپورٹس سٹیڈیم کی ترقی پر ڈی ڈی سی کے چیئرمین نذیر خان صاحب کی تعریف کی۔ رینزوشاہ نے ممتاز شخصیات، توسمیدان ڈویلپمنٹ کوآرڈینیشن کمیٹی کے ہمراہ فاتح ٹیموں کو ٹرافیاں عطا کیں۔
