سیاح کشمیر کے سفیر بنیں

 

سرینگر//لیفٹیننٹ گورنر منوج سنہا نے منگل کی شام ڈل جھیل کا دورہ کیا ، جہاں انہوں نے ملک کے مختلف حصوں سے آنے والے متعدد سیاحوں سے ملاقات کی۔سیاحوں کے ساتھ بات چیت کے دوران ، لیفٹیننٹ گورنر نے ان کے جموں و کشمیر کے دورے کے تجربات کے بارے میں دریافت کیا۔"لیفٹیننٹ گورنر نے سیاحوں سے پوچھا کہ وہ جموں و کشمیر کے خیر سگالی سفیر بنیں اور اپنے اپنے علاقوں میں یہ پیغام پہنچائیں کہ جموں و کشمیر ایک مثالی اور محفوظ سیاحتی مقام ہے۔جموں کشمیر میں سیاحوں کے محفوظ اور خوشگوار دورے کی یقین دہانی کرتے ہوئے ، لیفٹیننٹ گورنر نے کہا کہ محکمہ سیاحت ، مقامی برادری اور دیگر متعلقین جموں و کشمیر آنے والے سیاحوں کے دورے کی سہولت کے لئے اجتماعی طور پر سیاح دوست ماحول فراہم کررہے ہیں۔منوج سنہا نے کہا کہماحولیاتی سیاحت سے لے کر سرمائی کھیلوں تک ، زیارت سے لے کر ایڈونچر ٹورازم تک ، جموں و کشمیر نے سیاحوں کو جمالیاتی خوبصورتی ، گرما گرم مہمان نوازی ، جموں و کشمیر کی بھرپور ثقافت اور ورثہ کا تجربہ کرنے اور ان کا دوروں کو یادگار بنانے کے لئے سیاحوں کو ایک بہت بڑی کشش کی پیش کش کی ہے۔ انہوں نے سیاحوں کو مشورہ دیا کہ وہ UT کے غیر نمایاں خوبصورت سیاحتی مقامات کو بھی تلاش کریں۔سیاحوں نے اپنے تجربات بانٹتے ہوئے کہا کہ وہ کشمیر کے دورے پر بہت خوشی محسوس کررہے ہیں۔ انہوں نے یہ بھی کہا کہ جموں وکشمیر ہر طرح کی سیاحت کی سرگرمیوں کے لئے ایک محفوظ مقام ہے اور واقعتا یہ زمین پر ایک جنت ہے۔