عظمیٰ مانیٹرنگ ڈیسک
نیروبی//کینیا کے ایک پرائمری بورڈنگ اسکول کے ہاسٹل میں آگ لگنے سے 17 بچے ہلاک ہوگئے۔برطانوی نشریاتی ادارے (بی بی سی) کے مطابق آگ لگنے کا واقعہ کینیا کے دارالحکومت نیروبی سے 150 کلومیٹر دور سینٹرل ہائی لینڈز کے ایک پرائیویٹ بورڈنگ اسکول ‘Hillside Endarasha Academy’ میں پیش آیا جہاں 800 طلبہ رہائش پزیر تھے۔رپورٹ کے مطابق واقعے میں اب تک اسکول ہاسٹل میں رہائش پزیر 17 طلبہ کی ہلاکت کی تصدیق ہوئی ہے جب کہ طلبہ 14 زخمی ہیں۔انتظامیہ نے ہلاک اور زخمی ہونے والوں کی شناخت یا ان کی عمر کے بارے میں اب تک کوئی تفصیلات فراہم نہیں کیں تاہم اسکول کا کہنا ہے کہ تمام طلبہ کی عمریں 5 سے 12 سال کے درمیان ہیں۔ادھر آئیوری کوسٹ کے شمالی علاقے میں سڑک کنارے بغیر انڈیکیٹر دیئے کھڑے ایک ا?ئل ٹینکر سے تیز رفتار مسافر بس جگہ کی تنگی کے باعث جا ٹکرائی۔عرب میڈیا کے مطابق آئل ٹینکر سے ٹکرانے کے باعث خوفناک آگ بھڑک اْٹھی جس میں بری طرح جھلس کر 13 مسافر ہلاک اور 45 زخمی ہوگئے۔ زخمیوں میں سے 19 بچے بھی شامل ہیں۔ہلاک اور زخمی ہونے والوں ریبی شہروں کاٹیولا اور نیاکارا کے ہسپتالوں میں منتقل کردیا گیا جہاں 6 زخمیوں کی حالت نازک ہونے کے سبب ہلاکتوں میں اضافے کا خدشہ ہے۔آئیوری کوسٹ میں ٹریفک قوانین کی پابندی نہ کرنے، ناقص انفرا اسٹریکچر اور گاڑیوں کی ابتر کے باعث ایسے حادثات عام ہیں۔
