عظمیٰ نیوز سروس
سرینگر//منشیات مخالف مہم کے دوران پولیس نے سوپور اور کولگام میں 3افراد کو نشیلی مواد سمیت گرفتار کیا۔سوپور میں انچارج پولیس چوکی وارپورہ کی سربراہی میں ڈنگر پورہ اڈپوجی محلہ میں قائم ایک چوکی پر ایک شہری کو گرفتار کیا گیاجس کی شناخت ساحل بشیر ساکن بہرام پورہ رفیع آباد کے طور پر کی گئی ۔ تلاشی کے دوران اس کے قبضے سے سائیکو ٹراپک مادہ برآمد ہوا۔ادھرانچارج پولیس چوکی میربازار کی سربراہی میں ایک پولیس پارٹی نے میربازار چوک میں قائم ایک چوکی پر ایک مشکوک شخص کو روکا جس کی شناخت امیر احمد شیخ ساکن چورٹ قاضی گنڈ کے طور پر ہوئی ہے۔ تلاشی کے دوران اس کے قبضے سے 1.8 کلو گرام پوست کا بھوسا جیسا ممنوعہ مادہ برآمدہوا۔دریں اثناء ایس ایچ او تھانہ قئموہ کی سربراہی میں پولیس پارٹی نے ریلوے کراسنگ ہرناگ پر قائم ایک چوکی پر ایک مشکوک شخص کو روکا جس کی شناخت ظہور احمد خان ساکن مڈھن پور کھنڈریا دہلی کے طور پر کی گئی۔ تلاشی کے دوران اس کے قبضے سے 140 گرام بھنگ جیسا ممنوعہ مادہ برآمد ہوا۔ اسے گرفتار کر کے تھانے منتقل کر دیا گیا ۔ان واقعات کے سلسلے میں متعلقہ تھانوں میں قانون کی متعلقہ دفعات کے تحت مقدمات درج کر کے مزید تفتیش شروع کر دی گئی۔
