نیوز ڈیسک
جموں//انتظامی کونسل، جسکی لیفٹیننٹ گورنر منوج سنہا کی صدارت میں میٹنگ ہوئی، نے جموں و کشمیر سوشل ویلفیئر بورڈ کو ختم کرنے کی منظوری دی۔ سوشل ویلفیئر بورڈ کا قیام سال 1955 میں کیا گیا تھا اور اس عرصے کے دوران، سوشل ویلفیئر بورڈ کا کام نیشنل کریچ اسکیم، اور سوادار گرہ اسکیم کے نفاذ تک محدود ہو گیا تھا، دونوں مرکزی اسپانسر شدہ اسکیموں کو وزارت خواتین کی طرف سے فنڈز فراہم کیے جاتے ہیں۔
کمشنر/سیکرٹری، سوشل ویلفیئر ڈیپارٹمنٹ کی سربراہی میں ایک کمیٹی تشکیل دی گئی ہے جو مذکورہ بورڈ میں پہلے سے کام کر رہے موجودہ ملازمین/عارضی عملے کی خدمات کے استعمال کے ساتھ ساتھ سوشل ویلفیئر بورڈ کے اثاثوں اور واجبات کے استعمال کے لیے روڈ میپ کی سفارش کرے گی۔اِنتظامی کونسل نے بچوں کو مختلف خطرات سے بچانے کے لئے بے گھر بچوں کی باز آباد کاری سے متعلق پالیسی کو بھی منظوری دی۔جووینائل جسٹس ایکٹ کے اَصولوں کے مطابق چلڈرن اِن سٹریٹ سیویشنز اُن بچوں کے زُمرے میں آتے ہیں جنہیں دیکھ ریکھ اور تحفظ کی ضرورت ہے۔ یہ ایکٹ حکومت کو مزید یہ اِختیار دیتا ہے کہ وہ ایسے بچوں کی بحالی کے لئے پالیسی وضع کرے۔پالیسی کے مطابق صحت ، سکولی تعلیم، مکانات و شہری ترقی ، آر ڈی ڈی ، داخلہ، محنت و روزگار محکموں کو مخصو ص کردار اور ذمہ داریاںتفویض کی گئی ہیں تاکہ اِس پالیسی پر صحیح طریقے سے عمل در آمد کو یقینی بنایا جاسکے۔ جموںوکشمیر یوٹی میں اِس کی عمل آوری کا جائزہ لینے کے لئے چیف سیکرٹری کی سربراہی میں ایک کمیٹی نگرانی کرے گی۔ محکمہ سماجی بہبود جموںوکشمیر کے تمام بچوں کے مستقبل کی حفاظت اور حفاظت کے لئے پالیسی کی عمل آوری کی باقاعدہ نگرانی کا ذمہ دار ہوگا۔ادھراِنتظامی کونسل نے گائوں پلکھ تحصیل بسوہلی ضلع کٹھوعہ میں واقع شاملاتِ دیہہ( محفوظ کاہچرائی) کی 121 کنال 11مرلہ اَراضی کو بحق سکاسٹ جموںتاکہ اس پہاڑی علاقے میں نئے کرشی وگیان کیندر کا قیام عمل میں لایا جائے اور 122کنال 18 رقبے کی ریاستی اَراضی کے بدلے میں گائوں جھانکر میں واقع کاہچرائی مقصد کے لئے منتقلی تجویز کو منظوری دی۔انتظامی کونسل نے علاقے میںمطلع کردہ اسٹامپ ڈیوٹی کی شرح کے مطابق منتقلی کی قیمت کی ادائیگی پر بارڈر سیکورٹی فورس( بی ایس ایف ) کے ذریعے ’’ اے ایم کے ‘‘ نامی بی او پی کے قیام کے لئے گائوں مکوال تحصیل منڈل ضلع جموں میں واقع 6 کنال 12مرلہ ریاستی اراضی کو بھی منتقل کیا ۔ اِنتظامی کونسل نے جموںوکشمیر فارسٹ( کنزرویشن) ایکٹ 1997 کے تحت چھوٹے ہتھیاروں کی فائرنگ رینج (لانگ رینج) کے قیام کے لئے باہو کنزرویشن ریزرو میں 135.57 ہیکٹر اراضی کے اِستعمال کی بھی اِجازت دی۔
