سری نگر// وادی کشمیر کو ملک کے دوسرے حصوں کے ساتھ جوڑنے والی 270 کلو میٹر طویل سری نگر- جموں شاہراہ پر برف باری کے باوجود پیر کے روز ٹریفک کی نقل و حمل بحال کر دی گئی۔
قومی شاہراہ پر اتوار کے روز بارشوں کی وجہ سے چندر کوٹ کے مقام پر چٹانیں کھسک آنے کی وجہ سے ٹریفک بند کر دیا گیا تھا۔
وادی کشمیر کو لداخ یونین ٹریٹری کے ساتھ جوڑنے والی سری نگر – لیہہ شاہراہ پر یک طرفہ ٹریفک کی نقل و حمل جاری ہے تاہم جنوبی کشمیر کے ضلع شوپیان کو صوبہ جموں کے ضلع پونچھ کے ساتھ جوڑنے والا تاریخی مغل روڈ گذشتہ زائد از دو ہفتوں سے مسلسل بند ہے۔
