عظمیٰ نیوز سروس
سرینگر//جموں و کشمیر یوگاسنا اسپورٹس ایسوسی ایشن کے بینر تلے اور جموں و کشمیر اسپورٹس کونسل کے زیر اہتمام ضلع سری نگر یوگاسنا اسپورٹس ایسوسی ایشن کے زیر اہتمام چوتھی ضلع سرینگر یوگاسنا اسپورٹس چمپئن شپ سنیچر کوانڈور اسپورٹس کمپلیکس سرینگر میں اختتام پذیر ہوئی۔چیمپیٔن شپ سب جونیئر، جونیئر اور سینئر دونوں لڑکوں؍لڑکیوں اور مرد؍خواتین کیٹیگریز میں منعقد کی گئیں اور کھیلی گئیں۔
شائقین کی بڑی تعداد نے چیمپئن شپ کو بڑے جوش و خروش سے دیکھا۔ڈاکٹر ظفر اقبال چیف اکاؤنٹس آفیسر جے اینڈ کے اسپورٹس کونسل اختتامی تقریب کے مہمان خصوصی تھے۔ انہوں نے بہترین کارکردگی کا مظاہرہ کرنے والے کھلاڑیوں کو انعامات سے نوازا اور دوسروں کو بھی جسمانی اور ذہنی تندرستی کے لیے یوگاسن کھیلوں میں حصہ لینے کی ترغیب دی۔اس موقع پر خطاب کرتے ہوئے ڈاکٹر ظفر نے کہا کہ یوگاسن کھیل صرف ورزش کی ایک شکل نہیں ہے بلکہ یہ زندگی کا ایک ایسا طریقہ ہے جو جسمانی تندرستی، ذہنی توازن اور روحانی نشوونما کو فروغ دیتا ہے۔انہوں نے مزید کہا’’ہم جس بھی شعبے سے آئے ہیں، میں یوگا کے مجموعی فوائد پر یقین رکھتا ہوں، اور یہی وجہ ہے کہ جموں کشمیر اسپورٹس کونسل کو لوگوں کے لیے اپنی صلاحیتوں اور جذبے کو ظاہر کرنے کے لیے ایک پلیٹ فارم کے طور پر یوگاسنا کھیلوں کی حمایت اور فروغ دینے پر فخر ہے”۔ضلع سری نگر یوگاسنا اسپورٹس ایسوسی ایشن کے سکریٹری الطاف احمد بٹ اور ضلعی ایسوسی ایشن کے دیگر عہدیداروں نے چمپئن شپ کے انعقاد میں اہم کردار ادا کیا۔اس موقع پر دیگر افراد میں ایڈوکیٹ شہناز درانی، ڈاکٹر عمران نذیر ممبر جے کے وائی ایس اے، ہلال احمد منیجر ایس کے آئی ایس سی، اعزاز احمد خان اور ایوان صنعت و تجارت کے عاطف خان شامل تھے۔
