سرینگر ہوائی اڈے پر جے کے بنک اے ٹی ایم کا افتتاح

سرینگر//نقدی تک آسان رسائی کے ساتھ ساتھ گاہکوں کو دیگر بینک سہولیات فراہم کر نے کے ایک قدم کے طور جموں و کشمیر بینک نے منگل کو سرینگر کے بین الاقوامی ہو ائی اڈے کی ٹرمنل بلڈنگ کے رخصتی (Departure) احاطہ میں اے ٹی ایم نصب کر کے مسافروں کو وقف کیا ۔ جموں و کشمیر بینک کے چیئرمین اور منیجنگ ڈائریکٹر راجیش کمار چھبر اور ڈائریکٹر سرینگر انٹر نیشنل ائر پورٹ آکاش دیپ ماتھر نے ایس ایس پی سرینگر آئر پورٹ ہر میت سنگھ مہتا، جموں و کشمیر بینک کے صدر محمد یونس پتو،نائب صدر سشیل کُمارگپتا،زونل ہیڈ سید رئیس رسول، کلسٹر ہیڈ مشتاق احمد کے علا وہ جموں وکشمیر بینک اور سرینگر آئر پورٹ کے کئی سر کر دہ عہدیدار وں کی موجودگی میں اے ٹی ایم کا افتتاح کیا ۔لوگوں تک پہنچنے کے اپنے ارادے اور صارفین کو روزمرہ کی بینکنگ سہولیات اور انتظام نقدی کے مسائل کے حل کا اعادہ کر تے ہوئے بینک کے چیر مین اور ایم ڈی نے کہا کہ آئر پورٹ کی ٹرمنل بلڈنگ میں اے ٹی ایم مشین کی تنصیب سے لوگوں خاص کر مسافروں کو ہو رہی تکلیف کو کم کیا جائے گا اور اس سے انہیں نقدی اور دیگر ضروری سہولیات عین آخری مو قعہ پر دستیاب رہینگی ۔انہوںنے کہا کہ بینک اپنے گاہکوں کو اپنی پھیلتی بینک شاخوں اور اے ٹی ایم نیٹ ورک کے ذریعے صارفین کو آسان بینکنگ سہولیات فراہم کر نے کے عہد بند ہیں ۔ائر پورٹ پر اے ٹی ایم کی تنصیب پر اطمینان کا اظہار کر تے ہوئے ڈائریکٹر سرینگر انٹر نیشنل آئر پورٹ نے اس اقدام کیلئے بینک کی سراہنا کی اور کہا کہ اس سے مسافروں کے ساتھ ساتھ ائر پورٹ پر کام کر نے والے ملازمین بھی مستفید ہو نگے ۔ائر پورٹ کی ٹرمنل عمارت میں اے ٹی ایم  کی تنصیب پر مسرت کا اظہار کرتے ہوئے ایک آئر لائن میں کسٹمر کئیر ایگزیکٹیو کی حیثیت سے کام کر نے والے زبیر احمد بٹ نے بینک کے اس اے ٹی ایم کے چکر لگانے کی تکلیف دہ صورتحال سے نجات مل گئی ہے۔امر ناتھ یاترا کے بعد چنئی واپس جانے والے ایک مسافرناگ ارجنا نے جدید ترین سہولیات گاہکوں کو فراہم کر نے کے لئے بینک کی سراہنا کی ۔انہوں نے کہا کہ جموں وکشمیر بینک اعلیٰ درجے کی بینکنگ خدمات کو اکثر عوامی مقامات پر دستیاب رکھتے ہوئے صارفین کی خدمت اور ان کو دستیاب رکھی جانے والی سہولیات کو نئی بلندیوں تک پہنچایا ہے ۔یہ بات قابل ذکر ہے کہ سرینگر انٹرنیشنل ائر پورٹ ،جسے شیخ العالم انٹرنیشنل ائر پورٹ بھی کہا جاتا ہے، ہوائی مسافروں کیلئے کشمیر کا دروازہ ہے اور سیاحتی سیزن کے دوران روزانہ سینکڑوں کی تعداد میں سیا ح یہاں وارد ہوتے ہیں جن کی سہولیت کیلئے جموں و کشمیر بینک نے کئی طرح کی سہولیات بہم رکھنے کا تہیہ کر رکھا ہے ۔