محمد بشارت
کوٹرنکہ// ضلع راجوری کے سب ڈیژون بدھل میں محکمہ پی ایم جی ایس وائی کی سڑکیں عوام کے لیے انتہائی خوفناک صورتحال کا موجب بن رہی ہیں۔کوٹرنکہ سے شاہپور 14کلو میٹر سڑک کی خستہ حالی کی وجہ سے مقامی آبادی کے ساتھ ساتھ ڈرائیوار طبقہ و مسافر بھی خطرہ سے خالی نہیں ہیں وہیں سڑک کے شروعاتی کلومیٹر کے قریب تعمیر پل نے تالاب کی شکل اختیار کی ہے اور پل پار کرنے میں پیدل یا گاڑی میں سوار لوگ اپنی جان جوکھم میں ڈال کو عبور کرتے ہیں اور یہ بھی سمجھتے ہیں کہ پل بوسیدہ ہوچکا ہے یا پھر گہرے گھڈے پڑ گئے ہیں ۔مقامی لوگوں نے کشمیر عظمیٰ کو بتایا کہ سڑک کی نالیاں اور حفاظتی باندھ نہ ہونے کی وجہ سے سڑک کا سارا پانی برسات کے دوران زمینوں اور مکانوں میں داخل ہوتا ہے ۔ایگزیکٹیو انجینئر پی ایم جی ایس وائی امتیاز میر نے کشمیر عظمیٰ کو بتایا کہ آنے والے منگلوار یا بدھوار کو میں بدھل ڈیژون کا دورہ کروں گا اور اس سڑک کا جائزہ بھی لوں گا۔ مقامی لوگوں نے ایل جی انتظامیہ کے ساتھ ساتھ ضلع ترقیاتی کمشنر راجوری سے پر زور مطالبہ کرتے ہوے کہاکہ بدھل ڈیژون کی سڑکوں کی حالت ٹھیک کی جائے ۔
