عظمیٰ نیوز ڈیسک
نئی دہلی //مرکز نے جمعہ کو ٹیلی کام آپریٹرز کو 28,200 موبائلفون( ہینڈ سیٹس) کو بلاک کرنے کی ہدایت دی اور ان فونوں( ہینڈ سیٹس )سے منسلک 20 لاکھ موبائل کنکشن کی دوبارہ تصدیق کرنے کی ہدایات جاری کیں۔وزارت مواصلات نے ایک بیان میں سائبر کرائم اور مالیاتی دھوکہ دہی میں ٹیلی کام وسائل کے غلط استعمال کو روکنے کے لیے محکمہ ٹیلی کمیونیکیشن (DoT)، وزارت داخلہ (MHA) اور ریاستی پولیس کے اشتراک کا اعلان کیا۔اس مشترکہ کوشش کا مقصد دھوکہ بازوں کے نیٹ ورکس کو ختم کرنا اور شہریوں کو ڈیجیٹل خطرات سے بچانا ہے۔
وزارت داخلہ اور ریاستی پولیس کے ذریعہ کئے گئے ایک تجزیہ سے یہ بات سامنے آئی ہے کہ سائبر کرائمز میں 28,200 موبائل ہینڈ سیٹس کا غلط استعمال کیا گیا ہے۔ DoT نے مزید تجزیہ کیا اور پتہ چلا کہ ان موبائل ہینڈ سیٹس کے ساتھ حیرت انگیز طور پر 20 لاکھ نمبر استعمال کیے گئے ہیں۔اس کے بعد، ڈی او ٹی نے پین انڈیا میں 28,200 موبائل ہینڈ سیٹس کو بلاک کرنے اور ان ہینڈ سیٹس سے منسلک 20 لاکھ موبائل کنکشنز کی فوری دوبارہ تصدیق کرنے کے لیے ٹیلی کام سروس فراہم کرنے والوں کو ہدایات جاری کیں۔ وزارت مواصلات نے ٹیلی کمیونیکیشن کمپنیوں کو دوبارہ تصدیق میں ناکامی کے بعد رابطہ منقطع کرنے کی بھی ہدایت کی۔وزارت مواصلات نے ایک پریس ریلیز میں بتایا کہ ڈیپارٹمنٹ آف ٹیلی کمیونیکیشن (DoT) نے سائبر کرائم کے معاملے میں ایسا قدم اٹھایا ہے۔ ایک سرکاری بیان میں کہا گیا ہے کہ منگل کے روز، DoTنے مالیاتی سکینڈل میں استعمال ہونے والے ایک فون نمبر کو منقطع کر دیا، اور ساتھ ہی اس نمبر سے منسلک 20موبائل ہینڈ سیٹس کو بلاک کر دیا۔
