یو این آئی
ممبئی//غیر ملکی کرنسی اثاثوں، سونا اور بین الاقوامی مالیاتی فنڈ (آئی ایم ایف) کے پاس ریزرو فنڈ میں کمی کی وجہ سے 23 جون کو ختم ہونے والے ہفتے میں ملک کے غیر ملکی زرمبادلہ کے ذخائر 2.9 ارب ڈالرکم ہوکر593.2 ارب ڈالر رہ گئے ، جبکہ اس سے پچھلے ہفتے یہ 2.4 ارب ڈالر بڑھ کر 596.1 ارب ڈالر پر رہاتھا۔ریزرو بینک کے جاری کردہ ہفتہ وار اعداد و شمار کے مطابق، 23 جون کو ختم ہونے والے ہفتے میں غیر ملکی زرمبادلہ کے ذخائر کا سب سے بڑا جزو غیر ملکی کرنسی کے اثاثے 2.2 ارب ڈالر کم ہو کر 525.4 ارب ڈالر پر آگئے ۔ اسی طرح اس عرصے کے دوران سونے کے ذخائر 74.5 کروڑ ڈالر کم ہو کر 44.3 ارب ڈالر رہ گئے ۔وہیں زیرجائزہ ہفتہ خصوصی ڈرائنگ رائٹس (ایس ڈی آر) میں 8.5 کروڑ ڈالر کا اضافہ ہوا اور یہ بڑھ کر 18.33 ارب ڈالر ہو گیا۔ اس عرصے کے دوران آئی ایم ایف کے پاس ریزرو فنڈ 2.9 کروڑ ڈالر کم ہو کر 5.12 ارب ڈالر رہ گیا۔
