یواین آئی
سڈنی/آسٹریلوی کپتان پیٹ کمنز کا بارڈر-گاوسکر ٹیسٹ سیریز کے دوران ٹخنے کی چوٹ کی وجہ سے چیمپئنز ٹرافی میں کھیلنا مشکوک ہے ۔کرکٹ آسٹریلیا (سی اے ) نے جمعرات کو کہا کہ زخمی کمنز سری لنکا کے دو ٹیسٹ میچوں کے دورے پر نہیں جائیں گے ۔ اس دوران وہ پیٹرنٹی چھٹی پر ہوں گے اور آنے والے دنوں میں ان کے ٹخنے کا اسکین کیا جائے گا۔ اسکین کے بعد معلوم ہوگا کہ وہ 16 فروری سے پاکستان اور متحدہ عرب امارات میں ہونے والی چیمپئنز ٹرافی میں ٹیم کی قیادت کریں گے یا نہیں۔آسٹریلیا کی سلیکشن کمیٹی کے چیئرمین جارج بیلی نے آج یہاں سری لنکا کے دورے کے لیے ٹیم کے اعلان کے دوران ایک سوال کے جواب میں کہا کہ پیٹ دوسری بار والد بننے والے ہیں، وہ پیٹرنٹی لیو پر ہیں۔ اس کے ٹخنے میں معمولی چوٹ آئی ہے ۔ اگلے ہفتے ان کے ٹخنے کا اسکین کیا جائے گا اور اس کے بعد ہی ان کی چوٹ کی کیفیت معلوم ہو سکے گی۔ انہوں نے کہا کہ کمنز چیمپئنز ٹرافی میں کھیل سکیں گے یا نہیں اس بارے میں ابھی کچھ نہیں کہا جا سکتا۔ اسکین رپورٹ دیکھنے کے بعد ہی فیصلہ کیا جائے گا۔قابل ذکر ہے کہ چیمپئنز ٹرافی کا آغاز 19 فروری سے ہوگا اور آسٹریلیا کا پہلا میچ 22 فروری کو انگلینڈ سے ہوگا۔
