ریلائنس جیو نے ’’ انٹرٹینمنٹ بونانزا‘‘لانچ کیا

یو این آئی
ممبئی // سب سے بڑی ٹیلی کام کمپنی ریلائنس جیو نے جیو فائبر پوسٹ پیڈ صارفین کے لیے 22 اپریل سے “انٹرٹینمنٹ بونانزا” کے آغاز کا اعلان کیا ہے ۔ دراصل جیو فائبر کے 399 روپے اور 699 روپے کے پلانس بیسک انٹرنیٹ پلان تھے ، جو 30 اور 100ایم پی بی ایس سپیڈ ملتی تھی۔ اب ریلائنس جیو نے ان پلانس کے ساتھ انٹرٹینمنٹ پروسنے کا اعلان کیا ہے ۔ نئے اور موجودہ دونوں صارفین ان نئے پلان سے فائدہ اٹھا سکتے ہیں۔اعلان کے مطابق صارفین 399 روپے ماہانہ سے شروع ہونے والے لامحدود تیز رفتار انٹرنیٹ پلان کے ساتھ اضافی 100 روپے یا 200 روپے ماہانہ ادا کر کے 14 او ٹی ٹی ایپس سے لطف اندوز ہوسکیں گے ۔ اضافی 100 روپے ادا کرنے سے صارفین جیو کے انٹرٹینمنٹ پلان کا فائدہ اٹھا سکیں گے جس میں انہیں 6 تفریحی OTT ایپس ملیں گی۔ 200 روپے کے انٹرٹینمنٹ پلس پلان میں 14 ایپس شامل ہیں۔ 14 ایپس میں Disney+ Hotstar, Zee5, Sonyliv, Voot, Sunnxt, Discovery+, Hoichoi, Altbalaji, Eros Now, Lionsgate, ShemarooMe, Universal+, Voot Kids, JioCinema شامل ہیں۔ جیو فائبر کو ایک ہی وقت میں آلات سے منسلک کیا جا سکتا ہے ، اس لیے صارفین موبائل اور ٹی وی دونوں پر ان ایپس کے تفریحی پروگرام دیکھ سکتے ہیں۔انٹرٹینمنٹ بونانزا کے تحت کمپنی نے اپنے نئے پوسٹ پیڈ صارفین کے لیے داخلے کی لاگت کو کم کر کے صفر کر دیا ہے ۔ یعنی صارفین کو تقریباً 10 ہزار روپے کی سہولیات مفت ملیں گی جس میں انٹرنیٹ باکس (گیٹ وے راؤٹر)، سیٹ ٹاپ باکس اور انسٹالیشن چارج شامل ہے ۔ لیکن اس کے لیے کسٹمر کو جیو فائبر پوسٹ پیڈ کنکشن کا پلان لینا ہوگا-