عظمیٰ نیوز سروس
منجا کوٹ //تحصیل ہیڈ کوارٹر منجا کوٹ پر گزشتہ روز بعد نماز جمعہ لوگوں نے رسول پاک ﷺ کی شان کی گئی گستاخی کیخلاف احتجاج کیا ۔مظاہرین نے ایک جلوس نکالا جس میں نمازیوں کیساتھ ساتھ علماء کی بھی ایک بڑی تعداد نے شرکت کی ۔مقررین نے کہاکہ کچھ دن قبل یوپی کے ایک بد بخت کی جانب سے رسول پاک ﷺ کی شان میں گستاخانہ الفاظ کا استعمال کیا گیا ہے جس کو مسلمان کبھی بھی برداشت نہیں کرسکتے ۔انہوں نے کہاکہ حکومت کو چائیے کروڑوں مسلمانوں کے مذہبی جذبات کو ٹھیس پہنچانے والے بد بخت کیخلاف سخت سے سخت کارروائی عمل میں لاکر ایک مثال قائم کی جائے۔اس موقع پر بولتے ہوئے علماء نے کہاکہ ایسے بد بختوں کو ایسی بیان بازی سے روکا جائے جس سے سماج میں کشیدگی جنم لے ۔انہوں نے مرکزی حکومت سے اپیل کرتے ہوئے کہاکہ گستاخی کرنے والے کو سخت سے سخت سزا دی جائے تاکہ آئندہ کو ئی بھی شخص ایسے نہ کرسکے ۔
