ایجنسیز
پونے /سلمان نثار (ناٹ آؤٹ 44) اور محمد اظہر الدین (ناٹ آؤٹ 67) کی پرسکون اور سمجھدار اننگز کی بدولت کیرالہ نے بدھ کو جموں و کشمیر کے ساتھ ڈرا میچ میں پہلی اننگز کی برتری کی بنیاد پر رانجی ٹرافی کے سیمی فائنل میں جگہ بنالی۔ جموں و کشمیر نے پہلی اننگز میں 280رنز بنائے تھے جس کے جواب میں کیرالہ کی پہلی اننگز 281 رنز پر سمٹ گئی۔جموں و کشمیر نے دوسری اننگز میں نو وکٹوں پر 399رنز کا بڑا اسکور بنا کر کیرالہ کی تمام وکٹیں لینا چاہیں لیکن سلمان اور اظہر الدین کی جوڑی ساتویں وکٹ کے لیے انگد کے پاؤں کی طرح پھنس گئی، جسے ہلانے کے لیے جموں نے تمام حربے آزمائے لیکن کامیابی نہ ملی اور بالآخر کیرالہ نے رنجی ٹرافی کے دوسرے سیمی فائنل میں جگہ بنالی۔ جموں و کشمیر کو چار وکٹوں کی ضرورت تھی، جبکہ کیرالہ کو ڈرا کو یقینی بنانے کے لیے بیٹنگ کے لیے کافی وقت درکار تھا۔ نذر نے 162 گیندوں پر 44 رنز کی ناٹ آؤٹ اننگز کھیلی جبکہ دوسرے سرے پر محمد اظہر الدین 118 گیندوں پر 67 رنز بنا کر ناٹ آؤٹ رہے ۔ ساتویں وکٹ کی جوڑی نے آخری دن جموں و کشمیر کے حملے کو کچلنے کے لیے 42.4 اوور تک بیٹنگ کی۔ اب 17 فروری کو سیمی فائنل میں کیرالہ کا مقابلہ گجرات سے ہوگا جبکہ دوسرے سیمی فائنل میں ممبئی کا مقابلہ ودربھ سے ہوگا۔
