عظمیٰ نیوزسروس
جموں//جموں وکشمیر کے راجوری ضلع کے نوشہرہ سیکٹر میں پولیس نے منشیات فروش کے رہائشی مکان سے پانچ سو گرام ہیروئن اور نقدی 5.14لاکھ روپیہ کی رقم ضبط کی ہے۔پولیس ذرائع نے بتایا کہ مصدقہ اطلاع موصول ہونے کے بعد جموں وکشمیر پولیس نے نوشہرہ سیکٹر میں جسویندر کمارعرف سونو کے گھر پر چھاپہ مارا اور وہاں تلاشی لی۔انہوں نے کہاکہ رہائشی مکان کی تلاشی کے دوران پانچ سو گرام ہیروئن اور نقدی 5.14لاکھ روپیہ برآمد کئے گئے۔دریں اثنا پولیس نے اس ضمن میں کیس درج کرکے مزید تحقیقات شروع کی ہے۔
