عظمیٰ نیوز سروس
سرینگر //لیفٹیننٹ گورنر منوج سنہا نے ٹیگور ہال میں دیوکی آریہ پُتری پاٹھ شالہ سرینگر کے یومِ تاسیس کی تقریب میں شرکت کی۔ اس موقعہ پر انہوں نے کہا کہ 1910 میں اس کے قیام کے بعدسے معاشرے کے غریب طبقوں کی لڑکیوں کو معیاری تعلیم فراہم کرنے میں اس کے بے پناہ تعاون کیلئے اسکول کی تعریف کی ۔
لیفٹیننٹ گورنر نے کہا ’’ قوم کی طاقت کا تعین علم ، ثقافت اور اقدار سے ہوتا ہے، تعلیمی اداروں کو انسانی اقدار ، علم ، سماجی شعور کی تعمیر پر توجہ دینی چاہئے تا کہ نوجوان ذہنوں کو اپنی مستقبل کی زندگی اور قوم کی تقدیر کو تشکیل دینے کے قابل بنایا جا سکے ۔ انہوں نے کہا کہ قدیم ہندوستان علم کا مرکز تھا اور نریندر مودی جی کی قیادت میں وقت آ گیا ہے کہ وشو گرو کے مقام کو دوبارہ حاصل کیا جائے ۔انہوں نے مزید کہا کہ ’’ اسکولوں میں سیکھنے سے تعلیمی فضیلت ، علمی معاشرے کی تعمیر کیلئے مساوی رسائی اور طالب علموں کو عالمی مسابقت کیلئے تیار کرنا چاہئے ۔ ‘‘ انہوں نے کہا کہ معاشرے کو بھی آگے آنا چاہئے اور اس طرح کی نیک کوششوں میں اپنا حصہ ڈالنا چاہیے اور طلباء کیلئے اپنی پوری صلاحیتوں کو فروغ دینے اور اپنی زندگی کے مقاصد کو حاصل کرنے کیلئے موزوں ماحول پیدا کرنا چاہئے ۔
