نئی دہلی// سینٹرل ریزرو پولیس فورس (سی آر پی ایف) کی مشرقی دہلی میں تعینات ایک بٹالین کے 68 مزید اہلکاروں کا کورونا وائرس ٹیسٹ مثبت آیا ہے۔
سی آر پی ایف کے ایک افسر نے ہفتہ کو بتایا کہ تمام اہلکار مشرقی دہلی میں ایک بٹالین سے منسلک ہیں۔ اس بٹالین میں مثبت کیسوں کی کل تعداد اب بڑھ کر 122 ہو گئی ہے۔
افسر نے بتایا کہ فوج میں کورونا وائرس کیسوں کی مجموعی تعداد 127 ہو گئی ہے۔ ایک اہلکار کورونا وائرس سے ٹھیک ہو چکا ہے جبکہ سب انسپکٹر محمد اکرام حسین کی کوروناوائرس سے انتقال ہو گیا ۔
