واشنگٹن / ریو ڈی جنیرو / نئی دہلی//پوری دنیا میں کورونا وائرس (کووڈ۔19)کے قہر کا سلسلہ بدستور جاری ہے اور اب تک 172.4 کروڑ سے زیادہ افراد متاثر ہوئے ہیں جبکہ 37.08 لاکھ سے زیادہ افراد ہلاک ہوچکے ہیں۔
امریکہ کی جان ہاپکنز یونیورسٹی کے سائنس اینڈ انجینئرنگ (سی ایس ایس ای) کی جانب سے جاری تازہ ترین اعدادوشمار کے مطابق دنیا کے 192 ممالک اور خطوں میں متاثرہ افراد کی تعداد 17 کروڑ 24 لاکھ 56 ہزار 62 ہوگئی ہے ، جبکہ 37 لاکھ آٹھ ہزار 626 افراد کی اس انفیکشن کی وجہ سے موت ہوگئی ہے۔
