عظمیٰ نیوز سروس
کٹرہ// خطہ چناب میں پیر کی دیر شام گئے زلزلے کے ہلکے جھٹکے محسوس کئے گئے تاہم اس دوران کوئی جانی یا مالی نقصان نہیں ہوا۔ نیشنل سینٹر فار سیسمولوجی نے بتایا کہ پیر کی دیر شام 10 بج 07 منٹ پر خطہ چناب میں زلزلے کا جھٹکا محسوس کیا گیا، جس کی شدت 3.8 تھی۔ اُنہوں نے بتایا کہ زلزلے کی زیر زمین گہرائی 5 کلومیٹر جبکہ مرکز ضلع ریاسی کے کٹرہ علاقے سے 80کلو میٹر جنوب میں تھا۔ زلزلے کے جھٹکے کٹرہ، ڈوڈہ، کشتواڑ اور رام بن میں بھی محسوس کئے گئے۔
